សារព័ត៌មាន នគរវត្ត តែងតែនាំមុខគេជានិច្ច
ក្រុមហ៊ុន Samsung ត្រូវបានគេរំពឹងថានឹងប្រកាសចេញ Galaxy S9 នៅប៉ុន្មានសប្តាហ៍ខាងមុខនេះ ដោយធ្វើឡើងនៅ Mobile World Congress នៅថ្ងៃទី 25 ខែកុម្ភៈ ហើយការលេចចេញចុងក្រោយបង្អស់របស់ Evan Blass នៅលើបណ្តាញសង្គម Twitter គឺផ្តល់ឱ្យយើងនូវរូបរាងដ៏ល្អបំផុតរបស់ទូរស័ព្ទដ៏ទំនើបមួយនេះ។ ជាមួយនឹងរូបរាងដំបូងនៃពណ៌ Lilac Purple ថ្មីរូបភាពនេះផ្តល់ឱ្យយើងនូវរូបរាងដ៏ល្អមួយដោយបំពាក់នូវឧបករណ៍ស្កេនស្នាមម្រាមដៃដែលបានរចនាឡើងថ្មីនៅក្រោមកាមេរ៉ាដែលជាផ្នែកដ៏សំខាន់មួយនៃ S8 ។
អ្វីដែលកាន់តែពិសេសជាមួយនឹងរូបភាពម៉ូឌែល S9 Plus ថ្មីនេះ គឺមានកាមេរ៉ាទំហំកាន់តែធំរហូតដល់ទៅពីរ ដែលមើលទៅជាម៉ូឌែលតម្រង់ទិសបញ្ឈរស្រដៀងនឹង iPhone X ។Samsung បានបញ្ជាក់ថាម៉ូឌែលទូរស័ព្ទថ្មីនេះនឹងផ្តល់នូវរូបភាពកាមេរ៉ាកាន់តែច្បាស់ ដូច្នោះ យើងមានតែរង់ចាំមើលថាតើវាមានភាពអស្ចារ្យ និង ភ្លែកភ្នែកកម្រិតណា ។
ស្មាតហ្វូន S9 នឹងត្រូវបានដាក់បង្ហាញជាបួនពណ៌គឺ Midnight Black, Lilac Purple, Titanium Gray និង Coral Blue បើទោះបីជាមិនទាន់ច្បាស់ថានឹងមានដាក់លក់ទាំង 4 ពណ៌នៅគ្រប់ទីផ្សារក៏ដោយ ៕ ហេង លក្ខិណា
