សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ករណីគ្រោះថ្នាក់ចរាចរណ៍មួយបានកើតឡើង បន្ទាប់ពីស្រ្តីជនជាតិខ្មែរម្នាក់ បានបើកម៉ូតូយ៉ាងលឿងខ្វះការប្រុងប្រយ័ត្នជ្រុលទៅបុក ស្ត្រីជនជាតិបរទេសម្នាក់ រួមនិងមិត្តភ័ក្តិប្រុសស្រី៣នាក់ទៀត កំពុងដើរឆ្លងថ្នល់ បណ្ដាលឲ្យរងរបួសទាំងសងខាងតែម្តង ។
ហេតុការណ៍គ្រោះថ្នាក់ចរាចរនេះ បានកើតឡើងកាលពីវេលាម៉ោង ៨និង២០នាទីយប់ ថ្ងៃចន្ទ ៥កើត ខែផល្គុន ឆ្នាំរកា នព្វស័ក ព.ស. ២០១៦ ត្រូវនឹងថ្ងៃទី១៩ ខែកុម្ភៈ ឆ្នាំ២០១៨ នៅតាមបណ្ដោយមហាវិថីព្រះសីហនុ ទល់មុខក្រុមហ៊ុន Cellcard ក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ ។
តាមប្រភពព័ត៍មានពីសាក្សីនោកន្លែងកើតហេតុ បានឲ្យដឹងថា នៅមុនពេលកើតហេតុ គេបានឃើញ ស្ត្រីរងគ្រោះជាជនជាតិបរទេសម្នាក់ និងមិត្តភ័ក្តិប្រុសស្រី៣នាក់ទៀត បាននាំគ្នាដើរឆ្លងថ្នល់ តាមបណ្តោយមហាវិថី ព្រះសីហនុ ក្នុងទិសដៅពីត្បូងទៅជើង ខណៈកំពុងដើរឆ្លងថ្នល់មិនទាន់ផុតផង ក៏ត្រូវស្ត្រីជនជាតិខ្មែរម្នាក់ដែលជិះម៉ូតូម៉ាក ស្កុបពី ពណ៌ខ្មៅ ១គ្រឿង ពាក់ស្លាកលេខភ្នំពេញ 1BZ 1734 ជិះតែម្នាក់ឯង ក្នុងទិសដៅពីលិចទៅកើត ក្នុងល្បឿនលឿន ចាប់ហ្វ្រាំងមិនទាន់ ក៏ជ្រុលទៅបុក ស្ត្រីជនបរទេសយ៉ាងពេញទំហឹង បណ្តាលឲ្យរងរបួសធ្ងន់ទាំងសងខាងតែម្តង ។
ក្រោយកើតហេតុជនរងគ្រោះនិងស្រ្តីបើកម៉ូតូបង្កដែលរងរបួសធ្ងន់ទាំង២នាក់នោះ ត្រូវបានរថយន្តសាមុយដឹកបញ្ជូនយកទៅធ្វើការសង្គ្រោះបន្ទាន់ភ្លាមៗនៅឯមន្ទីរពេទ្យផងដែរ ៕ ស រស្មី
