សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ សពបុរសម្នាក់ដែលគេស្គាល់ថា ជាមនុស្សវិកលចរឹតនោះត្រូវបានប្រទះឃើញ នៅក្នុងទឹកអូរ បង្កឲ្យមានការភ្ញាក់ផ្អើល ដល់សមត្ថកិច្ចចុះស្រាវជ្រាវ និងពិនិត្យចុងក្រោយសម្រេចបូជាតែម្តង ព្រោះរកសាច់ញាតិមិនឃើញ ។
ហេតុការណ៍ភ្ញាក់ផ្អើលនេះ កើតឡើងនៅវេលាម៉ោង ៧និង២០នាទី ថ្ងៃចន្ទ ៨រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៧ ខែឧសភា ឆ្នាំ២០១៨ ស្ថិតនៅភូមិត្រាច ឃុំកាហែង ស្រុកសំរោងទង ខេត្តកំពង់ស្ពឺ។
អធិការរងនគរបាលស្រុកសំរោងទងបានឲ្យដឹងថា សពបុរសវិកលចរឹត មានវ័យប្រមាណជាង៥០ឆ្នាំ ដើរគ្រប់ទិសទី នៅថ្ងៃកើតហេតុ ត្រូវបានប្រជាពលរដ្ឋប្រទះឃើញ ស្លាប់អណ្ដែត ទឹកប្រឡាយ ខាងក្រោយរោងចក្រវ៉ាសាន់ នៅពីខាងលិច ភូមិត្រាចចម្ងាយ២០០ម៉ែត្រ នៅភូមិឃុំកើត ហេតុខាងលើ ។
ក្រោយមានការភ្ញាក់ផ្អើលសមត្ថកិច្ចបានត្រួតពិនិត្យ លើសពមិនមានស្លាកស្នាមអ្វីពាក់ព័ន្ឋនឹងរឿងឃាតកម្មឡើយ ការពិតសពបានលង់ ទឹកស្លាប់ ដោយខ្លួនឯង ។
លោកអធិការបន្តថា ដោយស្រាវជ្រាវរកសាច់ញាតិមិនឃើញ នគរបាលប៉ុស្តិ៍កាហែង បានចាត់ចែង យកទៅបូជានៅវត្តសម្បួរ ព្រោះមិនមានសាច់ញាតិមកទទួលយកទៅធ្វើបុណ្យ ៕ សេនាស័ក្តិ
