សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់បានរងរបួសបាក់ដងកាំបិតម្ខាង ខណៈបើកម៉ូតូលឿនបុកចំពាក់កណ្តាលរថយន្តកុងតឺន័រ ដែលកំពុងបើកឆ្លងផ្លូវ ហេតុការណ៍នេះ បានកើតឡើងវេលាម៉ោង១០ព្រឹក ថ្ងៃទី២ ខែតុលា ឆ្នាំ២០១៨ ស្ថិតនៅតាមបណ្តោយផ្លូវ ២១៧ ហៅផ្លូវចំការដូង សង្កាត់ដង្កោ ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឲ្យដឹងថា ដំបូងគេបានឃើញរថយន្តសណ្តោងកុងតឺន័របានបើកបរតាមបណ្តោយផនលូវ ២១៧ ទិសដៅពីជើងទៅត្បូង ខណៈដល់ចំណុចកើតហេតុ ក៏បានទាញចង្កូចបត់ឆ្វេងដៃចូលក្រុមហ៊ុន ស្របពេលនោះ យុវជនរងគ្រោះបានជិះម៉ូតូធុនធំមួយគ្រឿងទិសដៅ ស្របគ្នាក្នុងល្បឿនលឿន ចាប់ហ្រ្វាំងមិនទាន់ ក៏ជ្រុលបុកផ្ទប់រថយន្តកុងតឺន័រពីចំហៀង ពេញទំហឹងបណ្តាលឲ្យយុវជនជាម្ចាស់ម៉ូតូ បានរងរបួសបាក់ដងកាបិតខាងដៃស្តាំ ចំណែកម៉ូតូរងការខូចខាត ។
ក្រោយកើតហេតុសមត្ថកិច្ច មូលដ្ឋានបានចុះដល់ទីតាំងកើតហេតុ និងបានសម្របសម្រួលរវាងភាគីទាំងពីរ ប៉ុន្តែដោយសារប្រកែកយកត្រូវរៀងខ្លួន សមត្ថកិច្ចជំនាញបានសម្រេចវាស់វែងរថយន្តកុងតឺន័រ និងម៉ូតូយកទៅរក្សាទុកនៅអធិការដ្ឋាននគរបាលខណ្ឌដង្កោរង់ចាំដោះស្រាយនាពេលក្រោយ៕ ភារ៉ា ដង្កោ
