សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ កម្លាំងនគរបាលការពារព្រំដែនប៉ុស្តិ៍ជាំចំនួន៣នាក់ ដឹកនាំដោយលោកព្រឹន្ទបាលទោ លឹម រដ្ធា មន្ត្រីប៉ុស្តិ៍ជាំ បានឃាត់ខ្លួនយុវជនចំនួន៤នាក់ ដែលមានវត្ថុតាង ដាវចំនួន៣ដើម កាលពីវេលាម៉ោង១២ និង៤០នាទី ថ្ងៃទី១១ ខែកក្កដា ឆ្នាំ២០១៩ ចំណុចផ្ទះ៣ជាន់ ទល់មុខកាស៊ីណូ ។
សមត្ថកិច្ចបានឲ្យដឹងថា យុវជនទាំង៤នាក់មានឈ្មោះដូចខាងក្រោម ៖
១,ហេង ហ៊ន ភេទប្រុស អាយុ១៩ឆ្នាំ រស់នៅភូមិថ្នល់កែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ ជាបុគ្គលិកផ្នែកជាងឈើ ធ្វើការបានចំនួន១០ថ្ងៃ លាក់ទុកដាវចំនួន១ដើម ។
២,ស៊ីម វិចិត្រា ភេទប្រុស អាយុ២១ឆ្នាំ រស់នៅភូមិថ្នល់កែង ឃុំ-ស្រុកអន្លង់វែង ខេត្តឧត្តរមានជ័យ ជាបុគ្គលិក ផ្នែកជាងឈើ ធ្វើការបាន៣ខែ ។
៣,ដាំ សុខជា ភេទប្រុស អាយុ២២ឆ្នាំ រស់នៅភូមិមាត់ខ្លា ឃុំអន្លង់សំណ ស្រុកជីក្រែង ខេត្តសៀមរាប ធ្វើការផ្នែកជាងឈើ បានចំនួន១ឆ្នាំ លាក់ទុកដាវចំនួន១ដើម ។
៤,ឈឿង ស្រ៊ី ភេទប្រុស អាយុ២១ឆ្នាំភូមិត្នោតថ្មី ឃុំឈូកសាច់ ស្រុកបារាយណ៍ ខេត្តកំពង់ធំ ។ ផ្នែកជាងឈើ ធ្វើការបាន១៥ថ្ងៃ នាក់ទាំង៤ បច្ចុប្បន្ន ត្រូវបញ្ជូនទៅអធិការដ្ឋាននគរបាលស្រុកអន្លង់វែង ដើម្បីសួរនាំ ៕ ប៉ែន នួន
