អាវុធហត្ថស្រុកតាំងគោកឃាត់ខ្លួនជនសង្ស័យ២នាក់ ព្រមទាំងសង្ស័យថ្នាំញៀន២កញ្ចប់

ខេត្តកំពង់ធំ៖ នៅវេលាម៉ោង៩ព្រឹក ថ្ងៃទី៣១ ខែតុលា ឆ្នាំ២០១៩ កម្លាំង អាវុធហត្ថ ស្រុក ដឹកនាំដោយលោកវរ:សេនីយ៍ ត្រី គៀន គឿន មេបញ្ចាការអាវុធហត្ថ ស្រុក ចុះបង្រ្កាបករណីចែកចាយគ្រឿងញៀន នៅចំណុចភូមិបែកចាន ឃុំអណ្តូងពោធិ៍ ស្រុកតាំងគោក ខេត្តកំពង់ធំ ។

លទ្ធផល ឃាត់់ខ្លួនជនសង្ស័យ និងវត្ថុតាងរួមមាន៖ ឈ្មោះ ចិន សុខ ភេទប្រុស អាយុ៤៩ឆ្នាំ រស់នៅភូមិដំរីស្លាប់ ឃុំអណ្តូងពោធិ៍ ស្រុកតាំងគោក ខេត្តកំពង់ធំ និងឈ្មោះ ជួន យូរាក់ ភេទប្រុស អាយុ៣៥ឆ្នាំ រស់នៅភូមិបែកចាន ឃុំអណ្តូងពោធិ៍ ស្រុកតាំងគោក ខេត្តកំពង់ធំ។

វត្ថុតាងរួមមាន ថ្នាំញៀនចំនួន២កញ្ចប់(កញ្ចប់ធំ១កញ្ចប់ កញ្ចប់តូច១កញ្ចប់)។

ម៉ូតូចំនួន២គ្រឿង ម៉ាកវេវ(wav) ពណ៍ក្រហម (គ្មានស្លាកលេខ)ចំនួន១គ្រឿង និងម៉ូតូម៉ាក់អែប្លេក(air black) ពណ៍ស ស្លាកលេខកំពង់ចាម 1D.8026 ១គ្រឿង ។

ទូរស័ព្ទចំនួន២គ្រឿង ម៉ាកសាំសុង(Sam sung) លេខ0975607797 ចំនួន១គ្រឿង ។ ទូរស័ព្ទម៉ាក់ណូគាចុចពិល(Nokea) លេខ016837391ចំនួន១គ្រឿង។

បច្ចុប្បន្ន ជនសង្ស័យ និងវត្ថុតាងខេងលើ បញ្ជូនទៅ អាវុធហត្ថខេត្តដើម្បីចាត់ការបន្ត ៕ ប៊ុនរិទ្ធី