សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់ក្រោយពីផឹកស្រាស្រវឹង ហើយបានចូលទៅដេកក្នុងបន្ទប់ខ្លួន ពេលម្តាយទៅដាស់ឲ្យឡើងហូបបាយ ស្រាប់តែបាត់ទៅហើយសង្ស័យខ្យល់គរ ។
ហេតុការណ៍នេះបានកើតឡើងកាលពីវេលាម៉ោង១៧និង០០នាទីថ្ងៃទី២០ ខែវិច្ឆិកា ឆ្នាំ២០១៩ នៅផ្ទះលេខ 100HH ផ្លូវបេតុង ភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះឈ្មោះ ញិល សោភ័ណ្ណ ភេទប្រុស អាយុ២៣ឆ្នាំ មុខរបរកម្មករសំណង់ ស្នាក់នៅកន្លែងកើតហេតុខាងលើ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុនៅវេលាម៉ោង៧ព្រឹក ថ្ងៃទី២០ ខែវិច្ឆិកា ជនរងគ្រោះបានផឹកស្រារហូតទៅដល់វេលាម៉ោង១៥និង៣០នាទីថ្ងៃដដែល ហើយបានចូលទៅដេក ។
សាក្សីបានបន្តថា លុះរហូតមកដល់វេលាកើតហេតុ ទើបម្តាយដើរទៅដាស់ដើម្បីហូបបាយ ស្រាប់តែឃើញស្លាប់បាត់ទៅហើយ ។
ក្រោយកើតហេតុ សមត្ថកិច្ចចុះមកកោសល្យវិច័យហើយបានបញ្ជាក់ថា ជនរងគ្រោះស្លាប់ដោយសារខ្យល់គរ ទើបប្រគល់ជូនក្រុមគ្រួសារធ្វើបុណ្យ តាមប្រពៃណី ៕ សុខាសែនជ័យ
