សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ: ក្មេងស្ទាវមួយក្រុមមានគ្នា៥នាក់ដែលធ្វើសកម្មភាពជិះម៉ូតូឆក់កាបូប និងទូរស័ព្ទដៃតាមផ្លូវសាធារណៈ ត្រូវបានកម្លាំងនគរបាលក្រុងប៉ោយប៉ែតតាំស្រាវជ្រាវឃាត់ខ្លួនបានជាបបន្តបន្ទាប់ កាលពីរសៀលថ្ងៃ សុក្រ ២រោច ខែ មិគសិរ ឆ្នាំ កុរ ឯកស័ក ព.ស.២៥៦៣. ត្រូវនឹងថ្ងៃទី ១៣ ខែ ធ្នូ ឆ្នាំ២០១៩ ។
មន្រ្តីនគរបាលព្រហ្មទណ្ធក្រុងប៉ោយប៉ែត បានឲ្យដឹងថា ជនសង្ស័យមានចំនួន៥នាក់នោះរួមមាន៖
១/ឈ្មោះពេជ្រ ស៊ីឡាង ភេទប្រុស អាយុ ១៧ ឆ្នាំ ជនជាតិខ្មែរ មុខរបរគ្មាន ។
២/ឈ្មោះ អោក រស្មី ភេទប្រុស អាយុ ១៧ ឆ្នាំ ជនជាតិខ្មែរ មុខរបរគ្មាន
៣/ឈ្មោះសេង លីញ ភេទប្រុស អាយុ ១៧ ឆ្នាំ ជនជាតិខ្មែរ មុខរបរគ្មាន ។
៤/ឈ្មោះនួន វ៉េវ ភេទប្រុស អាយុ ១៧ ឆ្នាំ ជនជាតិខ្មែរ មុខរបរគ្មាន ។
៥/ឈ្មោះកែវ មករា ភេទប្រុស អាយុ ១៧ ឆ្នាំ ជនជាត់ខ្មែរ មុខរបរកម្មករសំណង់ ។
ប្រភពដដែលបានឲ្យដឹងទៀតថា ក្រៅពីឃាត់ខ្លួនបាន៥នាក់ សមត្ថកិច្ចរឹបអូសវត្ថុតាងមួយចំនួនមាន ដាវ កាំបិត និងពូថៅចំនួន៦ ព្រមទាំងម៉ូតូមួយគ្រឿងផងដែរ ។
បច្ចុប្បន្ន ជនសង្ស័យត្រូវសមត្ថកិច្ចឃាត់ខ្លួននៅអធិការដ្ឋាននគរបាលក្រុងប៉ោយប៉ែត ដើម្បីកសាងសំណុំរឿងបញ្ជូនទៅស្នងការដ្ឋានខេត្តផ្ដន្ទាទោសតាមផ្លូវច្បាប់ ខណៈដែលសមត្ថកិច្ចអះអាងថា កន្លងមកជនសង្ស័យទាំងនេះធ្លាប់បានធ្វើសកម្មភាពឆក់ទូរស័ព្ទជនជាតិចិនជាច្រើនលើកមកហើយ ៕ ប្រាថ្នា
