សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ នៅរសៀលថ្ងៃទី២៨ ខែកក្កដា ឆ្នាំ២០២១ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដឹកនាំកិច្ចប្រជុំតាមរយៈប្រព័ន្ធវីដេអូពីចម្ងាយ(Zoom Meeting) ជាមួយអ្នកទទួលខុសត្រូវផ្នែកការិយាល័យសុខាភិបាល នាយការិយាល័យជំនាញគ្រប់រូប លេីកិច្ចការងារបន្ទាន់ចំនួន៦ចំណុច ដេីម្បី ទប់ស្កាត់ការរីករាលដាលនៃការចម្លងមេ រោគកូវីដប្រភេទថ្មី ។
លោកឧត្តមសេនីយ៍ទោ ឯម កុសល បានឱ្យដឹងថា វិធានការទាំង៦ចំណុច ដែលបានជួបប្រជុំដាក់ចេញមានដូចជា៖
១-ផ្សព្វផ្សាយណែនាំអំពីស្ថានភាពនៃការឆ្លងរីករាលដាលជំងឺកូវីដ-១៩ដែលកំពុងជួបបញ្ហាប្រឈមខ្លាំង ជាពិសេសចំពោះប្រភេទមេរោគបំប្លែងថ្មី ដែលនាំចូលពីក្រៅប្រទេស។
២-ពង្រឹងលេីវិធានការសុខាភិបាល និងអនុវត្ដវិធានការទប់ស្កាត់ ត្រួតពិនិត្យតាមដានស្រាវជ្រាវ ស្វែងរកបុគ្គលផ្ទុកមេរោគ និងអ្នកប៉ះពាល់ ដែលជាវិធានការកាត់បន្ថយល្បឿននៃការឆ្លងរាលដាលឲ្យបានកម្រិតអតិបរមា។
៣-ផ្សព្វផ្សាយណែនាំដល់ក្រុមគ្រួសារបងប្អូនសាច់ញាតិ ពង្រឹងការអនុវត្តវិធានការអនាម័យ ពាក់ម៉ាស់ រក្សាគម្លាតឲ្យបានហ្មត់ចត់។
៤-គ្រប់គ្រង់មន្ត្រីក្រោមឱវាទទាំងអស់ ត្រូវវាស់កម្ដៅ លាងដៃនឹងអាល់កុលជាប្រចាំមុនចូលបម្រើការងារ។ ចំពោះករណីមន្ត្រីបេសកកម្មក្រៅអង្គភាព មុនចូលអង្គភាពត្រូវអនុវត្តការធ្វេីតេស្ដរហ័សដេីម្បីធានាបានសុវត្ថិភាពការមិនចម្លងមេរោគកូវីដ-១៩ ចូលក្នុងអង្គភាព។
៥-ណែនាំឱ្យតាមដាន ត្រួតពិនិត្យសុខភាពជាមន្រ្តី និងក្រុមគ្រួសារជាប្រចាំ និងរាយការណ៍បន្ទាន់អំពីអាការមិនស្រួលក្នុងខ្លួនតាមការណែនាំពីវិធានសុខាភិបាល ដេីម្បីសំដៅលេីការគ្រប់គ្រងនិងកាត់បន្ថយហានីភ័យឲ្យនៅកម្រិតទាបបំផុត។
៦-ពង្រឹងលេីការអនុវត្តការងារជំនាញគ្រប់ការិយាល័យ ៕
ដោយ ៖ វណ្ណៈ
