សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងគណៈបញ្ជាការឯកភាពខណ្ឌដូនពេញ សហការជាមួយការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ នៅថ្ងៃទី០៤ ខែកញ្ញា ឆ្នាំ២០២១នេះ ចាប់ពីម៉ោង០៧ និង០០នាទីយប់ រហូតដល់ម៉ោង២២ និង០០នាទីយប់ បានបន្តអនុវត្តយុទ្ធនាការឃាត់ម៉ូតូ និងរថយន្ត បើកបញ្រ្ចាសទិសដៅចរាចរណ៍ នៅរង្វង់មូលជុំវិញវិមានឯករាជ្យ និងផ្លូវព្រះសុរាម្រឹតស្ថិតក្នុងសង្កាត់ចតុមុខ ខណ្ឌដូនពេញ។
ក្នុងការអនុវត្តខាងលេីនេះ ជាលទ្ធផលកម្លាំងជំនាញ បានឃាត់សរុបចំនួន ០៣គ្រឿង មានដូចជា៖
ជាក់ស្ដែងនៅបរិវេណរង្វង់មូលវិមានឯករាជ្យ អ្នកជិះបញ្រ្ចាសនៅតែមានបើទោះបីកម្លាំងអាជ្ញាធរ និងសមត្ថកិច្ចបានដាក់គោលដៅជាប្រចាំនៅទីនោះក៏ដោយ នៅតែមានអ្នកបំពានបើកបរបញ្រ្ចាសទៀត ជាលទ្ធផលបានធ្វើការឃាត់អ្នកជិះកាត់ចំនួន០៣គ្រឿង ក្នុងនោះ ម៉ូតូចំនួន ០២ គ្រឿង ,កង់ចំនួន ០១ គ្រឿង, ចំណែករថយន្តគ្មាន។
បន្ថែមពីនេះ អាជ្ញាធរខណ្ឌដូនពេញ សូមអំពាវនាវបងប្អូនអ្នកជិះកង់ហាត់ប្រាណកុំគិតថា ការជិះកង់បញ្ច្រាសទិសដៅអាចទៅបានខុសពីកម្លាំងម៉ាស៊ីនម៉ូតូឡាន បើសិនបងប្អូនហ៊ានជិះបញ្រ្ចាសមិនគោរពតាមច្បាប់ចរាចរណ៍ដែលស្លាកសញ្ញាបម្រាមហាមឃាត់ទេ អាជ្ញាធរ និងសមត្ថកិច្ចនឹងចាប់ឃាត់ភ្លាមដូចជាម៉ូតូនិងរថយន្តផងដែរ។ ព្រោះការគោរពអនុវត្តច្បាប់ចរាចរណ៍ផ្លូវគោកនាំមកនូវសុខសុវត្ថិភាពទាំងអស់គ្នា។
ក្រោយប្រតិបត្តិការចប់ អាជ្ញាធរខណ្ឌដូនពេញ បានបញ្ជូនកង់និងម៉ូតូទាំងនេះ ទៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ ដើម្បីបន្តតាមនីតិវិធីច្បាប់៕
ដោយ៖សហការី
