សារព័ត៌មាន នគរវត្ត តែងតែនាំមុខគេជានិច្ច
ក្រុម Aston Villa បានវាយបកដើម្បីផ្តួលក្រុមមាន់ខ្នាយមាស Tottenham Hotspur កាលពីរាត្រីថ្ងៃទី២៦ ខែវិច្ឆិកា នៅថ្ងៃដែលពួកគេចងចាំអតីតកីឡាករនិងអ្នកចាត់ការលោក Terry Venables។ ការស្លាប់របស់អតីតអ្នកចាត់ការសញ្ជាតិអង់គ្លេសត្រូវបានប្រកាសតិចជាង២ម៉ោងមុនពេលចាប់ផ្តើមការប្រកួត ហើយការអបអរសាទរមួយនាទីត្រូវបានប្រារព្ធឡើងដើម្បីឧទ្ទិសដល់បុរសម្នាក់ដែលបានឈ្នះពានរង្វាន់ FA Cup ជាមួយ Spurs ក្នុងនាមជាកីឡាករកាលពីឆ្នាំ១៩៦៧ និងជាអ្នកគ្រប់គ្រងនៅឆ្នាំ១៩៩១។
ការស៊ុតបាល់បញ្ចូលទីរបស់ Giovani lo Celso នៅនាទីទី២២ ហាក់បានធ្វើឱ្យអ្នកគាំទ្រមានទឹកចិត្តហ៊ោកាន់តែខ្លាំងក្នុងនាមជាអ្នកគាំទ្រក្រុមម្ចាស់ផ្ទះ បន្ទាប់ពីការចាប់ផ្តើមមិនដែលចាញ់របស់ពួកគេត្រូវបានបញ្ចប់ជាមួយនឹងការរងបរាជ័យក្នុងការវាយបកមុនពេលសម្រាកអន្តរជាតិ។
អ្វីៗបានប្រែប្រួលដោយកីឡាករ Pau Torres របស់ Aston Villa បានតាមស្មើដោយការតែតបាល់បញ្ចូលទីយ៉ាងល្អក្នុងម៉ោងបន្ថែមក្នុងតង់ទី១ ហើយOllie Watkins បានស៊ុតបញ្ចូលទីនៅនាទីទី៦១ និងជាគ្រាប់បាល់ទី១២របស់គាត់ក្នុងរដូវកាលដើម្បីជួយ Aston Villa យកឈ្នះក្រុមម្ចាស់ផ្ទះ Spurs២ទល់១។
ក្រុមម្ចាស់ផ្ទះ Spurs មិនអាចវាយបកតាមស្មើ ហើយមិនអាចគេចផុតពីការបរាជ័យជាលើកទី៣ជាប់ៗគ្នាឡើយ ហើយពួកគេបាននាំមុខក្នុងការប្រកួតនីមួយៗនៃការប្រកួតទាំងនោះ។ Tottenham បានឈរនៅលើកំពូលតារាង Premier League បន្ទាប់ពី១០ប្រកួតដំបូងរបស់ពួកគេ ប៉ុន្តែឥឡូវនេះស្ថិតនៅក្រោម Aston Villa បន្ទាប់ពីជ័យជម្នះនៅភាគខាងជើងទីក្រុងឡុងបានបញ្ជូនក្រុមរបស់លោក Unai Emery ពីលើពួកគេទៅចំណាត់ថ្នាក់ទី៤។
Spurs បានឈ្នះពានកិត្តិយសធំៗតែ២ប៉ុណ្ណោះ ចាប់តាំងពីលោក Venables បានដឹកនាំពួកគេឱ្យឈ្នះពាន FA Cup ក្នុងឆ្នាំ១៩៩១ ប៉ុន្តែការចាប់ផ្តើមជាវិជ្ជមានចំពោះការដឹកនាំរបស់លោក Ange Postecoglou បានបង្កើនក្តីសង្ឃឹមនៃការបញ្ចប់ភាពរាំងស្ងួតពានរង្វាន់រយៈពេល១៥ឆ្នាំរបស់ពួកគេ។
លទ្ធផលនេះបានធ្វើឲ្យ Spurs ធ្លាក់មកឈរចំណាត់ថ្នាក់លេខ៥ មាន២៦ពិន្ទុ ពី១៣ប្រកួត ខណៈដែល Aston Villa បានហក់ឡើងមកឈរលេខ៤មាន២៨ពិន្ទុ ក្នុង១៣ប្រកួតដូចគ្នា ៕
ដោយ៖ ភារៈ(រូបភាព ៖ BBC Sport)
