នាព្រឹកនេះ! មនុស្ស ០២នាក់ស្លាប់ និងរបួសធ្ងន់ស្រាល ចំនួន២៥នាក់ ក្នុងករណីគ្រោះថ្នាក់ចរាចរណ៍រវាងរថយន្តដឹកទំនិញ បុកគ្នាជាមួយរថយន្តដឹកកម្មកររោងចក្រ

ចែករំលែក៖

ខេត្តព្រះសីហនុ៖ ហេតុការណ៍គ្រោះថ្នាក់ចរាចរណ៍មួយបានកេីតឡេីងរវាងរថយន្តដឹកទំនិញ បុកគ្នាជាមួយរថយន្តដឹកកម្មកររោងចក្រ បណ្តាលឱ្យមនុស្សស្លាប់ ចំនួន០២នាក់ និងរងរបួសធ្ងន់ស្រាល ចំនួន២៥នាក់ (ស្រី១៦នាក់)។

ករណីគ្រោះថ្នាក់ចរាចរណ៍ខាងលេីនេះ បានកេីតឡេីងនៅវេលាម៉ោង០៥:២៥នាទីព្រឹក ថ្ងៃទី២៨ ខែសីហា ឆ្នាំ២០២៤ នៅចំណុចគីឡូម៉ែត្រលេខ ១២៧-១២៨ ស្ថិតក្នុងភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុ។

យោងតាមប្រភពព័ត៌មានពីបញ្ជាការដ្ឋានកងរាជអាវុធហត្ថខេត្តព្រះសីហនុ បានឱ្យដឹងថា មានករណីគ្រោះថ្នាក់ចរាចរណ៍មួយកេីតឡេីងរវាងរថយន្តដឹកទំនិញ បុកប៉ះនឹងរថយន្តដឹកកម្មកររោងចក្រ ក្នុងទិសដៅផ្ទុយគ្នាយ៉ាងពេញទំហឹង។

ក្រោយកេីតហេតុ កម្លាំងមូលដ្ឋានកងរាជអាវុធហត្ថស្រុកកំពង់សីលា សហការជាមួយកម្លាំងអធិការដ្ឋាននគរបាលស្រុកកំពង់សីលា បានចុះទៅទីតាំងកើតហេតុ សម្រួលចរាចរណ៍ បញ្ជៀសការកកស្ទះលើដងផ្លូវ និងជួយលើកសង្គ្រោះជនរងគ្រោះទៅកាន់មណ្ឌលសុខភាពកក្តវិទ ស្រុកកំពង់សីលា និងដឹកបញ្ជូនទៅសង្គ្រោះ នៅមន្ទីរពេទ្យបង្អែកស្រុកស្រែអំបិលផងដែរ៕