សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ បុរស៤នាក់បានស្លាប់ នៅនឹងកន្លែង បន្ទាប់ពីត្រូវរន្ទះបាញ់ពេល មេឃកំពុងភ្លៀង ។ ហេតុការណ៍នេះ កើតឡើងកាលពីវេលាម៉ោង២រសៀល ថ្ងៃ ទី១៦ ខែសីហា ឆ្នាំ២០១៦ នៅភូមិព្រែក សំពៅ ឃុំប្រស្និប ស្រុករលាប្អៀរ ខេត្តកំពង់ ឆ្នាំង ។
នគរបាលស្រុករលាប្អៀរបានឲ្យដឹងថា ជនរងគ្រោះក្នុងហេតុការណ៍នេះមាន១-ឈ្មោះ ម៉ៅ សារ៉េត ភេទប្រុស អាយុ៥៤ឆ្នាំ ២-ម៉ៅ ចន្ថា ភេទប្រុស អាយុ១៧ឆ្នាំ ទាំងពីរនាក់នេះ ជាឪពុកនិងកូន ៣-សាត ជុំ ភេទប្រុស អាយុ២៣ឆ្នាំ និង៤-ចំ ពិសិដ្ឋ ភេទប្រុស អាយុ២១ឆ្នាំ ។ ជនរងគ្រោះទាំង៤នាក់ ខាងលើនេះ រស់នៅភូមិ-ឃុំកើតហេតុខាង លើ ។
សមត្ថកិច្ចបន្តឲ្យដឹងទៀតថា នៅមុន ពេលកើតហេតុមានភ្លៀងធ្លាក់យ៉ាងខ្លាំង ខណៈនោះឈ្មោះ ម៉ៅ សារ៉េត និង ម៉ៅ ចន្ថា ដែលជាឪពុកនិងកូនបានចូលជ្រក ក្នុងខ្ទមនៅចម្ការរបស់ខ្លួន បន្ទាប់មកក៏មាន ជនរងគ្រោះ២នាក់ទៀតបានចូលមកជ្រក ជាមួយដែរ ស្រាប់តែមានរន្ទះបាញ់មកចូលក្នុងខ្ទមកំពុងជ្រកបណ្តាលឲ្យស្លាប់ទាំង ៤នាក់ភ្លាមៗ ។
ក្រោយកើតហេតុសមត្ថកិច្ចបានចុះទៅ កាន់កន្លែងកើតហេតុ ហើយបានសន្និដ្ឋាន ថា ជនរងគ្រោះពិតជាស្លាប់ដោយរន្ទះបាញ់ មែន ។ សពត្រូវបានប្រគល់ជូនគ្រួសារ យកទៅធ្វើ់បុណ្យតាមប្រពៃណី ៕ ចន្ថា
