សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ កាលពីរសៀលថ្ងៃទី១៥ ខែសីហា ឆ្នាំ២០១៦ សមាគមអតីតយុទ្ធ ជនកម្ពុជាខេត្តកំពង់ស្ពឺបាននាំយកប្រាក់បេឡាមរណសង្គ្រោះចំនួន៨០លានរៀលជូនក្រុមគ្រួសារសពអតីតយុទ្ធជនចំនួន២០ គ្រួសារដឹកនាំដោយលោកឧត្តមសេនីយ៍ត្រី ជួ សារុន ប្រធានសមាគមអតីតយុទ្ធ ជនកម្ពុជាខេត្តកំពង់ស្ពឺ ។
លោកលុយ ឡុំ ប្រធានមន្ទីរសង្គមកិច្ច អតីតយុទ្ធជននិងយុវនីតិសម្បទាខេត្តកំពង់ ស្ពឺបាននិយាយថា ក្រុមគ្រួសារអតីតសពយុទ្ធជនដែលបានពលីអាយុជីវិតដើម្បីការពារជាតិមាតុភូមិចំនួន២០គ្រួសារទទួលបានការជួយឧបត្ថម្ភប្រាក់បេឡាមរណ សង្គ្រោះក្នុងមួយគ្រួសារទទួលបាន៤លានរៀល ។
លោកឧត្តមសេនីយ៍ត្រី ជួ សារុន ប្រធាន សមាគមអតីតយុទ្ធជនកម្ពុជាខេត្តកំពង់ស្ពឺ បានមានប្រសាសន៍ថា ដោយមើលឃើញពីទុក្ខលំបាកនិងតម្រូវការចាំបាច់របស់ ក្រុមគ្រួសារសពអតីតយុទ្ធជនពលីមរណៈ ទើបសមាគមអតីតយុទ្ធជនកម្ពុជាខេត្ត បានរៀបចំបំពេញឯកសារពាក់ព័ន្ធផេ្សងៗ យ៉ាងប្រញាប់ប្រញាល់ឱ្យបានគ្រប់គ្រាន់ ដើម្បីពួកគាត់បានអញ្ជើញមកបើកប្រាក់ មរណសង្គ្រោះរបស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាផ្តល់ជូនហើយសម្តេចតែងតែគិតគូរដល់បងប្អូនជាគ្រួសារសាច់ញាតិរបស់ សពអតីតយុទ្ធជនដែលបានបូជាសាច់ ស្រស់ឈាមស្រស់និងអាយុជីវិតដើម្បី ការពារជាតិមាតុភូមិនៃយើង ។ លោក ប្រធានសមាគមបានបន្តថាថវិកាមរណ សង្គ្រោះនេះជាការរួមចំណែកដើម្បីដោះស្រាយជីវភាពបន្ទាន់របស់បងប្អូនជាគ្រួសារ សពជាតម្រូវការចាំបាច់ក្នុងការបំពេញសេចក្តីខ្វះខាតក្នុងជីវភាពគ្រួសារ ៕ សុខ ខេមរា
