ប្រធានាធិបតីហ្វុីលីពីនអាចជាប់ទោសឧក្រិដ្ឋកម្មដោយសារតែយុទ្ធនាការបោសសម្អាតគ្រឿងញៀនសម្លាប់មនុស្សរាប់រយនាក់

ប្រធានាធិបតីហ្វុីលីពីនលោក Rodrigo Duterte អាចរងការចោទប្រកាន់ពីបទ ប្រឆាំងមនុស្សជាតិដោយសារតែលោកប្រើកណ្តាប់ដៃដែកកម្ចាត់ការជួញដូរគ្រឿង ញៀនធ្វើឲ្យមនុស្សរាប់រយនាក់ស្លាប់។

សារព័ត៌មាន Inquirer បានដកស្រង់សម្តីសមាជិករដ្ឋសភាហ្វុីលីពីនលោកស្រី Leila De lima ដែលបានបញ្ជាក់កាលពី ថ្ងៃតី១៥ ខែសីហាថា ប្រធានាធិបតី Rodrigo Duterte អាចនឹងជាប់ទោសពីបទ ឧក្រិដ្ឋកម្មប្រឆាំងមនុស្សជាតិរបស់តុលាការឧក្រិដ្ឋកម្មអន្តរជាតិ ICC ដោយសារតែចំនួនអ្នកស្លាប់នៅក្នុងការបោសសម្អាត ជួញដូរគ្រឿងញៀនច្រើនឡើងពីមួយថ្ងៃទៅមួយថ្ងៃ។ បើបុគ្គលណាមួយរងការចោទ ប្រកាន់ពីបទជួញដូរគ្រឿងញៀនហើយ ប្រាដកជាស្លាប់មិនខាន។

លោកស្រី de Lima បញ្ជាក់ថា លោកស្រីមិនមែនគំរាមកំហែងដល់ប្រធានាធិបតីនោះឡើយ ប៉ុន្តែការប្រើប្រាស់អំណាច ប្រឆាំងនឹងពលរដ្ឋស្លូតត្រង់បែបនេះអាច នឹងត្រូវធ្លាក់ចូលក្នុងទោសខាងលើ។

លោកស្រី De Lima បញ្ជាក់ទៀតថា «អ្នកឯកទេសជាច្រើនធ្លាប់បានលើកឡើងថា ប្រសិនបើការសម្លាប់មនុស្សមិនថយចុះទេនោះ ហើយមិនបានគ្រប់គ្រងល្អនោះ ចំណុចចុងក្រោយគឺតុលាការឧក្រិដ្ឋកម្ម អន្តរជាតិនឹងបញ្ជូនមនុស្សមកឃ្លាំមើលពីការសម្លាប់មនុស្សយ៉ាងច្រើនបែបនេះ»។

សកម្មភាពខាងលើបានបង្កឲ្យមានការ ព្រួយបារម្ភខ្លាចមានការចងគំនុំដោយបាញ់ សម្លាប់ ហើយគ្រាន់តែដាក់គ្រឿងញៀន មួយកញ្ចប់ប៉ុណ្ណោះមិនត្រូវជាប់ទោសអ្វីនោះឡើយ។

តាមតួលេខ «ក្នុងបញ្ជីខ្មៅ» របស់សារ​ព័ត៌មាន Inquirer ជនសង្ស័យ៦០១នាក់ត្រូវបានសម្លាប់ចាប់តាំងពីលោក Rodrigo Duterte ចាប់ផ្តើមប្រើកណ្តាប់ដៃដែក ប្រឆាំងគ្រឿងញៀនកាលពីចុងខែមិថុនា មកទល់ពេលនេះ។ អ្នកប្រើប្រាស់គ្រឿងញៀនប្រមាណ៥ពាន់នាក់ត្រូវបានចាប់ ខ្លួននិងជាង៦សែននាក់ចេញសារភាព។

សារព័ត៌មាន GMA Network កាលពី ថ្ងៃទី១៥ ខែសីហា បានដកស្រង់សម្តីរបស់ លោកស្រី De Lima ដែលអំពាវនាវដល់ប្រធា នាធិបតី Rodrigo Duterte ចាប់អារម្មណ៍ ឲ្យបានច្រើនពីសកម្មភាពខាងលើដោយលោកត្រូវឡើងបង្ហាញនៅក្នុងគណៈកម្មា ធិការច្បាប់របស់សភាក្នុងខែនេះពាក់ព័ន្ធ នឹងការសម្លាប់មនុស្សយ៉ាងច្រើនពាក់ព័ន្ធការជួញដូរគ្រឿងញៀន។

កាលពីសប្តាហ៍កន្លងមករដ្ឋទូតអាមេរិក ប្រចាំនៅហ្វុីលីពីនបង្ហាញការបារម្ភយ៉ាងខ្លាំង ពីការសម្លាប់មនុស្សក្រៅប្រព័ន្ធច្បាប់។ អាមេរិកក៏បានស្នើដល់ហ្វុីលីពីនគោរពទៅតាមច្បាប់អន្តរជាតិស្តីពីសិទ្ធមនុស្ស បើទោះ បីជាត្រូវកម្ចាត់ក្រុមជនល្មើសក៏ដោយ។

អង្គការអន្តរជាតិបង្ហាញការព្រួយបារម្ភយ៉ាងខ្លាំងចំពោះសកម្មភាពរបស់ប្រធានាធិបតីហ្វុីលីពីនអាចពាក់ព័ន្ធទៅនឹងសិទ្ធិមនុស្ស ដោយការសម្លាប់មិនបានសើុបឲ្យច្បាស់លាស់។ អគ្គរដ្ឋទូតអាមេរិកប្រចាំនៅហ្វុីលីពីនបានឲ្យដឹងថា អាមេរិកអាចនឹងកាត់ជំនួយ យោធាដល់ប្រទេសនេះក្រោយពេលប្រធានាធិបតីមិនបានអនុវត្តទៅតាមច្បាប់ស្តី ពីសិទ្ធិមនុស្ស។

ការប្រើប្រាស់កណ្តាប់ដៃដែកកម្ចាត់ការ ជួញដូរគ្រឿងញៀនរបស់ប្រធានាធិបតី ហ្វុីលីពីនបានធ្វើឲ្យមនុស្សជាច្រើនចេញ មកសារភាព និងត្រូវចាប់ខ្លួន។ ទាំងនោះហើយបានធ្វើឲ្យមន្ទីរឃុំឃាំងនៅក្នុងប្រទេស នេះខ្វះច្រើនត្រូវសាងសង់ថ្មីបន្ថែមទៀត៕ ម៉ែវ សាធី