សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ: បុរសស្រវឹងម្នាក់បើករថយន្ត Camry បាឡែន ពណ៌ស ស្លាកលេខ ភ្នំពេញ 2W-6657 ក្នុងល្បឿនយ៉ាងលឿន បានបើកទៅបុករះម៉ូតូ កង់បីលក់កាហ្វេជាច្រើនគ្រឿងបណ្តាលឲ្យខូចខាតយ៉ាងដំណំ។ នៅវេលាម៉ោង៤និង៣០នាទីទៀបភ្លឺ ថ្ងៃទី២០ ខែសីហា ឆ្នាំ២០១៦។ ស្ថិតនៅតាមផ្លូវ៤៨៨ នៅជិតរវង់មូលផ្សារដើមថ្កូវ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលគេឃើញបុរសម្នាក់សង្ស័យស្រវឹងបានបើករថយន្ត Camry បាឡែន ពណ៌ស ស្លាកលេខភ្នំពេញ 2W-6657 ទិសដៅពីលិចទៅកើតក្នុងល្បឿនលឿន ខណះមកដល់ចំណុចកើតហេតុខាលើស្រាប់តែរថយន្ត បានបើកទៅបុករះម៉ូតូ កង់បីលក់កាហ្វេជាច្រើនគ្រឿងពេញទំហឹងបណ្តាលឲ្យខូចខាតយ៉ាងដំណំ ។
ក្រោយពេលកើតហេតុ សមត្ថកិច្ចបានចុះដល់ ចំណុចកើតហេតុបានស្ទូចយករថយន្តបង្កទៅរក្សាទុកនៅការិយាល័យនគរបាលចរាចរណ៍ផ្លូវគោកដើម្បីដោះស្រាយតាមផ្លូវច្បាប់ ៕ ស រស្មី
