សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ក្មេងទំនើង១ក្រុមមិនដឹងមានបញ្ហាទំនាស់គ្នារឿងអ្វីនោះទេបានដេញវាយគ្នាតែវាយមិនបានក៏ទៅវាយបំផ្លាញទ្រព្យសម្បត្តិប្រជាពលរដ្ឋទូរដាក់នៅមុខផ្ទះបណ្ដាលរងការខូចខាតហើយសកម្មភាពខាងលើមានការបង្ហោះតាមកាំមេរ៉ា សុវត្ថិភាពតាមបណ្ដាញសង្គមមានសារព័ត៌មានយកទៅផ្សព្វផ្សាយបន្តគ្នាក៏សមត្ថកិច្ចបានដឹងចុះទៅកន្លែងកើតហេតុដើម្បីស្រាវជ្រាវនាព្រឹកថ្ងៃទី១២ ខែ វិច្ឆិកា ឆ្នាំ ២០២៤នៅចំណុចក្បែរផ្សារបឹងព្រលិត តាមផ្លូវបេតុង ស្ថិតនៅភូមិអូរអណ្ដូង សង្កាត់ ព្រែកប្រា ខណ្ឌច្បារអំពៅ ។
យោងតាមប្រភពព័ត៌មានពីបណ្ដាញសង្គមហ្វេសប៊ុកបានផ្សព្វផ្សាយករណីក្មេងទំនើង១ក្រុមដេញវាយគ្នាមើលទៅមានការផឹកស្រវឹងផងដោយដេញវាយគ្នាមិនបានសម្រេចក៏ទៅវាយបំផ្លាញទ្រព្យសម្បត្តិប្រជាពលរដ្ឋទូរលក់ដូរដាក់នៅមុខផ្ទះកើតហេតុផ្លូវបេតុង ស្ថិតនៅភូមិអូរអណ្ដូង សង្កាត់ ព្រែកប្រា តែមិនបណ្ដាលអោយជនរងគ្រោះណារងរបួសទេដែលបានផ្សាយនៅព្រឹកថ្ងៃទី១២ ខែ វិច្ឆិកា ឆ្នាំ ២០២៤តែមិនដឹងថារូបភាពខាងលើរូបចាស់ឬក៏ថ្មីទេទើបអាជ្ញាធរមូលដ្ឋានប៉ុស្តិ៍នគរបាលរដ្ឋបាលចុះទៅកន្លែងកើតហេតុដើម្បីសាកសួរនាំ ។
អាជ្ញាធរមូលដ្ឋានបានបញ្ជាក់ថាក្រោយពីទទួលព័ត៌មានព្រឹកម៉ោង៨និង០០នាទីថ្ងៃទី១២ ខែ វិច្ឆិកា ឆ្នាំ ២០២៤មានរូបកាំមេរ៉ាសុវត្ថិភាពដែលក្មេងទំនើងវាយទូរលក់ដូររបស់ប្រជាពលរដ្ឋរួចប្រញ្ញាប់ចុះទៅសាកសួរនាំរកជនរងគ្រោះនាំមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលព្រែកប្រា ខណ្ឌច្បារអំពៅដែលកើតហេតុខាងលើ កាលវេលាម៉ោង៥ទៀបភ្លឺឈានចូលថ្ងៃទី១២ ខែ វិច្ឆិកា ឆ្នាំ ២០២៤ បច្ចុប្បន្នសមត្ថកិច្ចកំពុងបើកការស្រាវជ្រាវករណីខាងលើហើយដើម្បីស្រាវជ្រាវចាប់ក្មេងទំនើងអុកឡុកបង្កហិង្សាលើផ្លូវសាធារណៈដែលសង្គមស្អប់ខ្ពើមដើម្បីចាត់វិធានការតាមផ្លូវច្បាប់ ។ ជាមួយគ្នានោះដែរសមត្ថកិច្ចបានស្នើប្រជាពលរដ្ឋមានការបន្ទាន់ករណីអ្វីក៏ដោយឲ្យតែប៉ះពាល់ដល់ប្រជាពលរដ្ឋសូមទំនាក់ទំនងលេខទូរស័ព្ទមកនាយប៉ុស្តិ៍នគរបាលរដ្ឋបាលព្រែកប្រាផ្ទាល់ដើម្បីកិច្ចអន្តរាគមន៍ភ្លាមៗបង្រ្កាបបានតែម្ដង ៕
ដោយ៖ជ្រោយពេជ្រ
