សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់បានស្លាប់ ភ្លាមយ៉ាងអាណោចអាធ័ម ខណៈដែលជិះ ម៉ូតូបុករថយន្តទេសចរណ៍បើកបញ្រាស ទិសគ្នាកាលពីថ្ងៃទី២១ ខែសីហា ឆ្នាំ ២០១៦ វេលាម៉ោង៧និង៥នាទីយប់ លើ ផ្លូវជាតិលេខ១ ស្ថិតនៅភូមិស្វាយតាយាន ឃុំស្វាយតាយាន ស្រុកកំពង់រោទិ៍ ខេត្ត ស្វាយរៀង។
សមត្ថកិច្ចបានឲ្យដឹងថា ជនរងគ្រោះ ឈ្មោះដេត ឆៃរ៉ុង អាយុ១៩ឆ្នាំ មានទីលំនៅ ភូមិពោធិ៍ថ្មី ឃុំស្វាយតាយាន ស្រុកកំពង់រោទ៍ ខេត្តស្វាយរៀង។ ចំពោះអ្នកបើករថយន្ត ទេសចរណ៍មិនត្រូវបានស្គាល់ឈ្មោះនោះទេ ខណៈបានរត់គេចខ្លួនបន្សល់តែរថយន្តនៅកន្លែងកើតហេយុ។
តាមសាក្សីបានឲ្យដឹងថា មុនដំបូងមាន ម៉ូតូម៉ាកយ៉ាម៉ាហាស៊ីរូស ពណ៌ខ្មៅស្លាក លេខ គ្មានបើកបរដោយបុរសម្នាក់(មិនពាក់មួកសុវត្ថិភាព) ក្នុងទិសដៅពីកើតទៅលិច លុះមកដល់ចំណុចកើតហេតុខាងលើក៏មានរថយន្តទេសចរណ៍ម៉ាកហ៊ីយ៉ាន់ដាយ ពណ៌ ក្រហមស្លាកលេខភ្នំពេញ3B-5166 ក្នុងទិស ដៅផ្ទុយគ្នាពីលិចទៅកើតក៏បុកពេញទំហឹងបណ្ដាលឲ្យអ្នកបើកម៉ូតូស្លាប់ភ្លាមៗ រីឯអ្នក បើកបររថយន្តទេសចរណ៍បានបើកទ្វារ រថយន្តចុះរត់គេចតែម្ដង។
ក្រោយមកប្រជាពលរដ្ឋបានទាក់ទងទៅសមត្ថកិច្ចមូលដ្ឋានមកជួយអន្តរាគមន៍ ចំពោះសាកសពសមត្ថកិច្ចនគរបាលបានប្រគល់ទៅឲ្យក្រុមគ្រួសារដើម្បីយកទៅ រៀបចំធ្វើបុណ្យតាមប្រពណី។ រីឯវត្ថុតាង ទាំង២គ្រឿងអូសមករក្សាទុកនៅការិយា ល័យចរាចរណ៍ខេត្តចាត់ការតាមច្បាប់៕ យឹម សុថាន
សូមអានបន្ត ៖ ក្មេងស្រីម្នាក់លង់ទឹកទន្លេស្លាប់យ៉ាងអាណោចអាធ័ម
