សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនជាតិចិនបានបេីករថយន្តឡង់គ្រីស័របត់ត្រលប់ក្រោយខ្វះការប្រុងប្រយ័ត្នក៏ជ្រុលទៅបុកម៉ូតូធុនធំជិះដោយបុរសម្នាក់បណ្ដាលអោយដួលរងការខូចខាត ចំណែកខាងរថយន្តបែរជាព្យាយាមបេីករត់គេច តែត្រូវសន្តិសុខកោះពេជ្រឃាត់បានមកវិញ ។
ហេតុការណ៍នេះបានកេីតឡេីងនៅវេលាម៉ោង១១យប់ថ្ងៃទី២៦ខែវិច្ឆិកាឆ្នាំ២០២៤ ក្នុងបរិវេណទីក្រុងកោះពេជ្រ ផ្លូវកោះពេជ្រ សង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកេីតហេតុគេបានឃើញបុរសម្នាក់បានជិះម៉ូតូធុនធំម៉ាក CB ពណ៌ខ្មៅពាក់ស្លាកលេខ1KU-9705 ធ្វើដំណើរតាមបណ្ដោយផ្លូវកោះពេជ្រក្នុងទិសដៅពីជើងទៅត្បូង លុះមកដល់ចំនុចកេីតហេតុ បានជិះវ៉ារថយន្តឡង់គ្រីស័រ ពណ៌ស ពាក់ស្លាកលេខ ភ្នំពេញ 2BP- 3098 បេីកដោយបុរសជនជាតិចិនម្នាក់ខណៈពេលជិះវ៉ាក៏ត្រូវរថយន្តបេីកបត់ឆ្វេងត្រលប់ក្រោយវិញដោយមិនបានមេីលឆ្វេងស្ដាំអោយច្បាស់លាស់ក៏ជ្រុលទៅបុកម៉ូតូធុនធំបណ្តាលឱ្យដួលខ្ទាតផ្ទប់នឹងទ្រូងផ្លូវរងការខូចខាតម៉ូតូយ៉ាងដំណំ ព្រមទាំងធ្វើឱ្យមនុស្សរបួសរលាត់ដៃជើងតិចតួច។
ដោយឡែកខាងរថយន្តវិញរងការខូចខាតខ្ទេចផែ្នកខាងមុខធ្លាក់កាងនៅកន្លែងកេីតហេតុ ហេីយភា្លមៗនោះអ្នកបេីកបរមិនព្រមឈប់ទទួលខុសត្រូវនោះទេក៏ព្យាយាមបេីករថយន្តរត់គេចរហូតដល់ច្រកចេញកោះពេជ្រ ក៏ត្រូវពលរដ្ឋសហការជាមួយសន្តិសុខកោះពេជ្រឃាត់រថយន្ដនិងអ្នកបេីកបរបានមកកន្លែងកើតហេតុ ប្រគល់អោយសមត្ថកិច្ចជំនាញធ្វើការដោះស្រាយ ។
ករណីនេះផងដែរភាគីខាងម៉ូតូទាមទារសំណងចំនួន៣៨០០ដុល្លារពីខាងរថយន្ត តែពេលនោះខាងរថយន្តសុំយកម៉ូតូទៅជួសជុលនិងព្យាបាលរបួសអោយវិញដេីម្បីបញ្ចប់រឿងតែម្ដង ៕
ដោយ៖សុខាសែនជ័យ
