🔥អគ្គិភ័យឆេះបន្ទប់ជួលបណ្ដាលអោយមនុស្សប្រុសស្រី២នាក់បាត់បង់ជីវិត

ភ្នំពេញ​ ៖​ ផ្ទុះហ្គាសបង្កជាអគ្គិភ័យឆាបឆេះបន្ទប់ជួលជាច្រើនបន្ទប់ជាប់គាំងមនុស្សប្រុសស្រី២នាក់ បុរសជាជនបរទេសនិងស្រ្តីជាជនជាតិខ្មែរស្លាប់ក្នុងភ្នក់ភ្លើង។

ហេតុការណ៍គ្រោះអគ្គិភ័យនេះបានកើតឡើងកាលវេលាម៉ោង១១និង៤០ព្រឹកថ្ងៃទី៣០ខែវិច្ឆិកាឆ្នាំ២០២៤ស្ថិតនៅតាមបណ្ដោយផ្លូវ ៣៥៨ សង្កាត់បឹងកក់ទី១ ខណ្ឌទួលគោករាជធានីភ្នំពេញ។

ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុបានឃើញភ្លើងឆាបឆេះចេញពីបន្ទប់ផ្ទះជួលមានផ្សែងខ្មួលខ្មាញ់ចេញជាអណ្ដាតភ្លើងយ៉ាងសន្ធោរសន្ធៅក៏ប្រញាប់រាយការណ៍ជូនទៅដល់កម្លាំងសមត្ថកិច្ចមូលដ្ឋាននិងរថយន្តពន្លត់អគ្គិភ័យជាច្រើនគ្រឿងបានចេញមកជួយអន្តរាគមន៍ធ្វើការបាញ់ពន្លត់។

ចំពោះអគ្គិភ័យឆាបឆេះបន្ទប់ជួលអស់ជាច្រើនបន្ទប់ខូចខាតទាំងស្រុងនិងបណ្ដាលឱ្យបុរសជាជនបរទេសម្នាក់ និងស្ត្រីជសជនជាតិខ្មែរម្នាក់ស្លាប់ ចំពោះមូលហេតុដែលបង្កជាអគ្គិភ័យបណ្ដាលពីផ្ទុះហ្គាស ជុំវិញករណីអគ្គិភ័យខាងលើសមត្ថកិច្ចជំនាងកំពុងបន្តការស្រាវជ្រាវយ៉ាងម៉ត់ចត់៕

ដោយ​ ៖​ ភារ៉ា​ ដង្កោ