សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង៖ ក្រសួងបរិស្ថាន នៅព្រឹកថ្ងៃចន្ទទី០២ ខែធ្នូ ឆ្នាំ២០២៤នេះ បានឱ្យដឹងថា មន្រ្តីជំនាញ នៃមន្រ្តីឧទ្យានុរក្ស បានបន្តចុះល្បាត និង ដកហូតអន្ទាក់ដាក់យកសត្វព្រៃចំនួន ២៣ខ្សែមករក្សាទុកនៅស្នាក់ការល្បាតត្រពាំងរូង កោះកុង និងដកហូតបានមងដាក់យកសត្វស្លាបបានចំនួន ០៦ដៃស្មើនឹងប្រវែង ៣០០ម៉ែត្រ ឃុំតានូន ស្រុកបូទុមសាគ ខេត្តកោះកុង។
សូមជម្រាបថា ដែនជម្រកសត្វព្រៃតាតៃ ស្នាក់ការល្បាតត្រពាំងរូង មន្រ្តីឧទ្យានុរក្ស បានសហការជាមួយកងរាជអាវុធហត្ថ និងអង្គការសម្ព័ន្ធមិត្តសត្វព្រៃ បានធ្វើការល្បាត រុករក ទប់ស្កាត់ និងបង្ក្រាបបទល្មើសធនធានធម្មជាតិត្រង់ចំណុចនិយាមកា(០៣១៨១៤២_ ១២៦៧៣៥៣ ) បានធ្វើការដោះអន្ទាក់សម្រាប់ដាក់យកសត្វព្រៃចំនួន ២៣ខ្សែ អញ្ញាតជន ស្ថិតនៅភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង ក្នុងដែនជម្រកសត្វព្រៃតាតៃ។
ចំពោះវត្ថុតាងក្រុមការងារបានយកមករក្សាទុកនៅស្នាក់ការល្បាតត្រពាំងរូង។
ជាមួយគ្នានេះ ឧទ្យានជាតិបទុមសាគរ ស្នាក់ការល្បាតកូនកុក កម្លាំងមន្ត្រីឧទ្យានុរក្ស បានធ្វើការល្បាត រុករក ទប់ស្កាត់ និងបង្ក្រាបបទល្មើសធនធានធម្មជាតិត្រង់ចំណុចនិយាមកា(០៣១៧៤១៥-១២១៦៥៣៧) បានធ្វើការដកហូតបានមងសម្រាប់ដាក់យកសត្វស្លាបបានចំនួន ០៦ដៃស្មើនឹងប្រវែង ៣០០ម៉ែត្រ អញ្ញាតជន ស្ថិតក្នុងស្ថិតក្នុងភូមិតានូន ឃុំតានូន ស្រុកបូទុមសាគ ខេត្តកោះកុង។ ចំពោះវត្ថុតាងយកមករក្សាទុកនៅស្នាក់ការល្បាតកូនកុក ៕
ដោយ៖ តារា
