សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់ ៖ ព័ត៌មានបឋមនាព្រឹកព្រលឹមថ្ងៃសុក្រ ៦កើត ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៦ ខែធ្នូ ឆ្នាំ២០២៤ មានការភ្ញាក់ផ្អើលមួយបានកើតឡើង នៅចំណុចចិញ្ចើមផ្លូវលំ ក្បែររបងវត្តមួយ ស្ថិតនៅភូមិដង្កៀបក្ដាម ឃុំស្នាមព្រះ ស្រុកបាកាន ខេត្តពោធិ៍សាត់ នេះបើតាមការបញ្ជាក់ពីអាជ្ញាធរមានសមត្ថកិច្ចមូលដ្ឋាន ។
ប្រភពព័ត៌មានបញ្ជាក់ទៀតថា ជនរងគ្រោះ(ស្លាប់)ត្រូវបានស្គាល់ឈ្មោះ WANG FUYOU ភេទប្រុស អាយុ ៤២ឆ្នាំ ជនជាតិចិន សពមានស្នាមរបួសកំប៉េះគូទខាងឆ្វេង ។
ដោយឡែកៈ មុននេះបន្តិចមានការបញ្ជាក់តាមតេឡេក្រាម ពីអាជ្ញាធរមានសមត្ថកិច្ចមូលដ្ឋាន ស្រុកវាលវែងដែរថា បានឃាត់ខ្លួនជនសង្ស័យចំនួន៤នាក់ ជនជាតិចិនចំនួន៣នាក់ និងជនជាត់ខ្មែរម្នាក់ផងដែរ រួមទាំងរថយន្ត១គ្រឿង សូមរង់ចាំព័ត៌មានលម្អិត ខណៈសមត្ថកិច្ចកំពុងមមាញឹកបន្តនីតិវិធី ៕
ដោយ៖ ប៉ឹម ពិន
