សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ Kylian Mbappe បានស៊ុតបញ្ចូលទីគ្រាប់ទី៥០របស់គាត់ក្នុងក្របខ័ណ្ឌ Champions League ខណៈដែល Vinicius Jr និង Jude Bellingham ក៏រកបានម្នាក់១គ្រាប់ផងដែរ ខណៈដែល Real Madrid ទទួលបានជ័យជម្នះយ៉ាងចាំបាច់លើក្រុម Atalanta ក្នុងលទ្ធផល ៣ទល់២ ដែលនេះជាជ័យជម្នះដំបូងសម្រាប់ក្រុម ក្រោយពីបរាជ័យផ្ទួនៗចំនួន២ដងនៅក្របខ័ណ្ឌកំពូលមួយនេះ។
ក្រុមយក្សរបស់អេស្ប៉ាញមួយនេះបានជួបការលំបាកក្នុងការប្រកួតលីកអឺរ៉ុបក្នុងឆ្នាំនេះ ដោយបានចាញ់៣ប្រកួតក្នុងចំណោម៥ប្រកួតរបស់ពួកគេ មុនពេលការប្រកួតនៅថ្ងៃអង្គារនៅអ៊ីតាលី។ ហេតុដូច្នេះហើយ ពួកគេត្រូវការជ័យជម្នះមួយ ដើម្បីកែលម្អឱកាសរបស់ពួកគេក្នុងការឈានទៅវគ្គបន្ត ដែលពួកគេបានទទួលបានជាមួយនឹងការបង្ហាញដែលបង្កើនទំនុកចិត្តនេះ។
កីឡាករអន្តរជាតិបារាំង Mbappe បានស៊ុតបាល់បញ្ចូលទីមួយគ្រាប់នៅនាទីទី១០ ដោយស៊ុតផុតដៃអ្នកចាំទី។ នេះគឺជាគ្រាប់ទី១២របស់គាត់ចាប់តាំងពីចូលរួមជាមួយក្រុម Real Madrid នៅរដូវក្តៅ ហើយគាត់គួរតែមានគ្រាប់ទីពីរនៅពេលក្រោយក្នុងតង់ទី១នៅពេលដែលគាត់បានស៊ុតចំគោលដៅ ប៉ុន្តែការស៊ុតរបស់គាត់ពីក្រៅប្រអប់ត្រូវបានសង្គ្រោះដោយអ្នកចាំទី។
បន្ទាប់មកក្រុម Atalanta បានតាមស្មើវិញនៅចុងតង់ទី១ នៅពេលដែល Charles De Ketelaere ស៊ុតបាល់ប៉េណាល់ទី បន្ទាប់ពី Sead Kolasinac ដួលក្នុងប្រអប់គ្រោះថ្នាក់។
Real Madrid បានវាយបកនាំមុខម្តងទៀតវិញនៅតងទី២ ដែលរកបានដោយ Vinicius Jr បានស៊ុតបាល់បញ្ចូលទីយ៉ាងល្អពីការត្រលប់មកវិញរបស់គាត់ពីរបួសសរសៃពួរ មុនពេលខ្សែបម្រើ Bellingham រកបាន១គ្រាប់ទៀតនៅនាទីទី៥៩សម្រាប់គ្រាប់បាល់ដំបូងរបស់គាត់ក្នុងក្របខ័ណ្ឌ Champions League នៅរដូវកាលនេះ។
កីឡាករ Ademola Lookman បានផ្តល់ក្តីសង្ឃឹមដល់ Atalanta ១គ្រាប់ដែរ ជាមួយនឹងការស៊ុតបាល់បញ្ចូលទីគ្រាប់បាល់ទី១១របស់គាត់ក្នុងរដូវកាលនេះ ដោយបានស៊ុតបាល់ចូលទីនៅនាទីទី៦៥ ប៉ុន្តែ Real Madird បានទប់លទ្ធផលនេះឲ្យនៅដដែលរហូតដល់ចប់ការប្រកួតជាមួយនឹងជ័យជម្នះ ៣ទល់២។
Mbappe បានជួបការលំបាកក្នុងការឈានដល់កម្ពស់ដែលគាត់បានឈានដល់ Paris St-Germain ចាប់តាំងពីចូលរួមជាមួយ Real Madrid នៅរដូវក្តៅ ប៉ុន្តែគាត់បានស្វែងរកការប្រកួតនេះតាំងពីដំបូង។ គាត់បានស៊ុតបញ្ចូលទីបាន៥០គ្រាប់ក្នុងការបង្ហាញខ្លួន៧៩ដងក្នុងក្របខ័ណ្ឌ Champions League ហើយក្លាយជាកីឡាករវ័យក្មេងបំផុតទីពីរវ័យ២៥ឆ្នាំ ដើម្បីឈានដល់តួលេខនេះនៅក្នុងការប្រកួតបន្ទាប់ពី Lionel Messi ក្នុងឆ្នាំ២០១២ (២៤ឆ្នាំ)។
លោក Carlo Ancelotti គ្រូបង្វឹកក្រុម Real Madrid បាននិយាយថា “Mbappe មានភាពមិនស្រួលខ្លះនៅក្នុងសរសៃពួររបស់គាត់។ វាហាក់ដូចជាមិនធ្ងន់ធ្ងរទេ ប៉ុន្តែយើងបានឃើញ គាត់មិនអាចរត់បានទេ វាធ្វើឱ្យគាត់ឈឺបន្តិច ហើយយើងគិតថាវាល្អបំផុតដើម្បីជំនួសគាត់”។
ជ័យជម្នះនេះបានធ្វើឲ្យ Real Madrid ឡើងទៅលេខ១៨ ក្នុងលីគ៣៦ក្រុម និងមាន៣ពិន្ទុពីក្រុមកំពូលតារាងទាំង៨ ដែលមានសិទ្ធិឡើងទៅវគ្គចែកពូលដោយស្វ័យប្រវត្តិ។ ដោយឡែក Atalanta ស្ថិតនៅលេខ៩ មាន១១ពិន្ទុ ៕
ដោយ៖ ភារៈ(រូបភាព ៖ BBC)
