ការប្រយុទ្ធប្រឆាំងគ្រឿងញៀនមិនមែនចប់កណ្តាលទីនោះទេ សមត្ថកិច្ចត្រូវបន្តស្រាវជ្រាវដល់ ឫសគល់ មេក្លោងចែកចាយគ្រឿងញៀនខុសច្បាប់ទោះបីតុលាការបើកសវនាការចប់ជាស្ថាពរក៏ដោយ

ភ្នំពេញ៖ លោក នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានមានប្រសាសន៍ នាព្រឹកថ្ងៃទី២៦ ខែសីហា ឆ្នាំ២០១៦ ក្នុងឱកាសឯកឧត្តម បានអញ្ជើញធ្វើជាអធិបតីនៅក្នុងកិច្ចប្រជុំបូកសរុបការងារប្រយុទ្ធប្រឆាំងបទល្មើសគ្រឿងញៀនរយៈពេល៩ខែឆ្នាំ២០១៦របស់ផែនការប្រឆាំងបទល្មើសគ្រឿងញៀននៅអគ្គស្នងការដ្ឋាននគរបាលជាតិ ថា ការប្រយុទ្ធប្រឆាំងគ្រឿងញៀនមិនមែនចប់កណ្តាលទីនោះទេ គឺសមត្ថកិច្ចត្រូវតាមដានករណីពេលដែលបញ្ជូនជនល្មើសដល់តុលាការលុះត្រាតែតុលាការបើកសវនាការចប់ជាស្ថានពរក៏ដោយ បន្ទាប់មកសមត្ថកិច្ចត្រូវតាមដានទៀតតើការទាក់ទងរវាងទណ្ឌិត ជនល្មើសជនជាប់ចោទនៅក្នុងគុគវាយ៉ាងម៉េច? ។