សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តបុកម៉ូតូបណ្តាលឲ្យជនរងគ្រោះស្លាប់ភ្លាមៗនៅកន្លែងកើតហេតុ។
ហេតុការណ៍នេះបង្កឲ្យមានការភ្ញាក់ផ្អើលឡើងកាលពីម៉ោង៩យប់ថ្ងៃទី១៦ ខែមីនា ឆ្នាំ២០២៥នៅតាមបណ្តោយផ្លូវបេតុងថ្មី ដែលស្ថិតនៅ ភូមិចុងថ្នល់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ។
សមត្ថកិច្ចបានឲ្យដឹងថា ជនរងគ្រោះមានឈ្មោះ ប៊ុន សុគន្ធ អាយុ៣៦ឆ្នាំ មុខរបរ បុគ្គលិកក្រុមហ៊ុនធនាគារ រស់នៅភូមិត្នោតខ្ពស់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ មានស្រុកកំណើតនៅស្រុកឈូកខេត្តកំពត ។
ប្រភពព័ត៌មាននៅកន្លែងកេីតហេតុបានឲ្យដឹងថា នៅមុនពេលកេីតហេតុគេឃើញ ជនរងគ្រោះជិះម៉ូតូម៉ាកហុងដា PCX ពណ៌ក្រហមពាក់ស្លាកលេខភ្នំពេញ1HB-7162 បេីកតាមបណ្តោយផ្លូវបេតុងថ្មី ក្នុងទិដៅពីកេីតទៅលិច ក្នុងល្បឿនលឿន ខណៈមកដល់ចំណុចកេីតហេតុ ស្រាប់តែឃេីញរថយន្ដម៉ាកTOYOTA PRIUS ពណ៌សពាក់ស្លាកលេខភ្នំពេញ2BW-7121 បេីកបរដោយបុរសម្នាក់បេីកតាមបណ្តោយផ្លូវបេតុងចេញពីបុរី ក្នុងទិដៅពីជេីងទៅត្បូងឆ្លងផ្លូវ ហេីយក៏ជ្រុលទៅបុកម៉ូតូជនរងគ្រោះពេញទំហឹងបណ្តាលឲ្យជនរងគ្រោះផ្លោងបោកទៅនឹងថ្នល់បណ្តាលឲ្យស្លាប់ភ្លាមៗនៅកន្លែងកើតហេតុ ។ ភ្លាមៗនោះបងប្អូនប្រជាពលរដ្ឋនាំគ្នាឃាត់អ្នកបេីកបរបានភ្លាមៗដេីម្បីប្រគល់អោយសមត្ថកិច្ចនគរបាលប៉ុស្តិ៍ ដេីម្បីយកទៅសួរនាំផងដែរ ។ លុះបន្ទាប់មកដោយប្រជាពលរដ្ឋបានទាក់ទងទៅក្រុមគ្រួសារជនរងគ្រោះដេីម្បីមកកន្លែងកេីតហេតុភ្លាមៗផងដែរ ហេីយក្រុមគ្រួសារ បាននិយាយប្រាប់ថា ជនរងគ្រោះគាត់ទេីបមកពី កម្មវិធី នៅម្តុំចោមចៅ ។
បន្ទាប់ពីកេីតហេតុសមត្ថកិច្ចនគរបាលប៉ុស្តិ៍បានទាក់ទងទៅសមត្ថកិច្ចជំនាញនៃការិយាល័យចរាចរណ៍ផ្លូវគោករាជធានីភ្នំពេញ ដើម្បីចុះមកកន្លែងកេីតហេតុភ្លាមៗដេីម្បីវាស់វែងយករថយន្តនឹងម៉ូតូជនរងគ្រោះយកទៅរក្សាទុកដេីម្បីរង់ចាំដោះស្រាយនៅពេលក្រោយ។ ចំណែកសពត្រូវបានសមត្ថកិច្ចមូលដ្ឋានធ្វើកំណត់ហេតុប្រគល់សពអោយក្រុមគ្រួសារដេីម្បីយកទៅធ្វើបុណ្យតាមប្រពៃណី ៕
ដោយ៖ ជ្រោយពេជ្រ
ឆ្លងចរន្តអគ្គិសនីឆេះកាប៊ីនភ្លេីងយ៉ាងសន្ធោសន្ធៅផ្អើលសមត្ថកិច្ចចេញរថយន្តពន្លត់អគ្គិភ័យអន្តរាគមន៍បាញ់ពន្លត់
