សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ ៖ នារសៀលថ្ងៃទី២៥ ខែមីនា ឆ្នាំ២០២៥ គេហទំព័រ «CCFR China state-controlled media » បានផ្សាយឱ្យដឹងថា ៖ លោក Xi Jinpingប្រធានរដ្ឋ ចិន បាន ប្តេជ្ញាចិត្តក្នុងការជំរុញ ការផ្លាស់ប្តូរ និង ការរៀនសូត្រទៅវិញទៅមករវាងអរិយធម៌នានា បង្កើនការជឿទុកចិត្ត និងការយោគយល់ ជាសកល ដើម្បីដាក់មូលដ្ឋានគ្រឹះអរិយធម៌ដ៏រឹងមាំសម្រាប់ ការកសាងសហគមន៍ ជោគវាសនារួម របស់ មនុស្សជាតិ ។
គេហទំព័រ «CCFR China state-controlled media » លោកXi Jinping បានលើកឡើងជាលើកដំបូងនូវគំនិតផ្តួចផ្តើមអរិយធម៌សកល នៅក្នុងកិច្ចសន្ទនាកម្រិតខ្ពស់ រវាង បក្សកុម្មុយនីស្តចិន និង គណបក្សនយោបាយពិភពលោក ដែលបានធ្វើឡើងនៅខែមីនា ឆ្នាំ២០២៣។ លោក បានអំពាវនាវ ឱ្យភាគីនានា រួមគ្នា ផ្តួចផ្តើមការ គោរព ភាពចម្រុះ នៃ អរិយធម៌ គុណ តម្លៃរួម របស់ មនុស្សជាតិ យកចិត្តទុកដាក់ ចំពោះ ការ បន្តស្នង និង ការ ច្នៃប្រឌិតថ្មី នៃអរិយធម៌ និង ធ្វើការផ្លាស់ប្តូរនិងកិច្ចសហប្រតិបត្តិការរវាងប្រជាជននិងប្រជាជន លើផ្ទៃអន្តរជាតិយ៉ាងសកម្ម ដើម្បីផ្តល់នូវដំណោះស្រាយនិងថាមពល អរិយធម៌របស់ប្រទេស ចិន ដល់ ការ ជំរុញ វឌ្ឍនភាព អរិយធម៌របស់មនុស្សជាតិ និងការ សម្រេចបាននូវវិបុលភាពរួម។
ចាប់តាំងពីការលើកឡើងនូវ គំនិតផ្តួចផ្តើមអរិយធម៌សកល មក លោក បាន បន្ត លើកឡើងនូវ គំនិត ផ្តួចផ្តើម និង ផែនការសកម្មភាព បន្ថែមទៀត ដើម្បីលើកកម្ពស់ការផ្លាស់ប្តូរអរិយធម៌ពិភពលោក។
ប្រទេសចិនបានរៀបចំសន្និសីទស្តីពីកិច្ចសន្ទនា នៃអរិយធម៌អាស៊ី សន្និសីទអន្តរជាតិអំពី “ការឈ្វេងយល់អំពី ប្រទេសចិន”និងវេទិកាLiangzhu ដើម្បីកសាងវេទិកាសម្រាប់ការផ្លាស់ ប្តូរនិង កិច្ចសន្ទនារវាងមអរិយធម៌ផ្សេងៗគ្នា, បានធ្វើការជាមួយបណ្តាប្រទេសដែលចូលរួមក្នុងគំនិតផ្តួចផ្តើមខ្សែក្រវ៉ាត់និងផ្លូវ ដើម្បីលើកកម្ពស់ការការពារបេតិកភណ្ឌវប្បធម៌ និងរួមគ្នាការពារកំណប់ទ្រព្យនៃអរិយធម៌មនុស្សជាតិ, ជំរុញយន្តការBRICS និង អង្គការសហប្រតិបត្តិការ សៀងហៃ ឱ្យ មាន ស្ថិរភាព និងយូរអង្វែង, ធ្វើ ឱ្យ មានសុក្រឹតភាព នូវ វេទិកា សហប្រតិបត្តិការ ចិន -អាហ្វ្រិក និង វេទិកាសហប្រតិបត្តិការចិន-អារ៉ាប់ជាដើម ដើម្បី បង្កើត ជាគំរូ នៃ ការរួមរស់ជាមួយគ្នាប្រកបដោយសុខដុមរមនានៃអរិយធម៌ផ្សេងៗគ្នា, បើក ឆ្នាំទេសចរណ៍ចិន-បរទេស ពិធីបុណ្យវប្បធម៌ និងពិធីបុណ្យសិល្បៈរបស់យុវជន កសាង មជ្ឈមណ្ឌល រៀនសូត្រគ្នាទៅវិញទៅមករវាង អរិយធម៌ ចិន-ក្រិក និងវិទ្យាស្ថាន សិក្សាស្រាវជ្រាវ អរិយធម៌បុរាណចិន កសាងស្ពានមិត្តភាព និងការយល់ដឹង ដើម្បី ចាក់បញ្ចូលថាមពល អរិយធម៌ទៅក្នុងការអភិវឌ្ឍនិងវិបុលភាពរួម៕
ដោយ ៖ សិលា
