សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមរបាយការណ៍របស់សមត្ថកិច្ចនាព្រឹកថ្ងៃទី២៨ ខែ មីនា ឆ្នាំ២០២៥បានឲ្យដឹងថា ករណីហិង្សាដោយចេតនាមានស្ថានទម្ងន់ទោស មរណ:ភាពនៃជនរងគ្រោះ កាលពីថ្ងៃទី ២៦ខែមីនា ឆ្នាំ២០២៥ វេលាម៉ោង ប្រហែល ១និង១៧ នាទីរំលងអធ្រាត ស្ថិតនៅមុខហាងលក់រថយន្ត HS ផ្លូវសហព័ន្ធរុស្សុី ភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ
១.ជនរងគ្រោះឈ្មោះ ទិត្យ ប៊ុនថា ហៅ ធានអុី ភេទប្រុស អាយុ ៤៨ ឆ្នាំ មុខរបរ នៅផ្ទះ ស្នាក់នៅខ្ទមវាលដីខ្សាច់បឹងឈូក ភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ ក្រោយពេលកេីតហេតុសមត្ថកិច្ច ផ្នែកជំនាញព្រហ្មទណ្ឌនៃអធិការដ្ឋាននគរបាលខណ្ឌសែនសុខ បានធ្វេីការស្រាវជ្រាវ នឹងឃាត់ខ្លួនជនសង្ស័យបានចំនួន០១នាក់ ឈ្មោះ ពៅ ពន្លឺ ភេទប្រុស អាយុ ២០ឆ្នាំ ស្នាក់នៅផ្ទះលេខ១៩ អគារទី៤ ជាន់ទី៦ បុរីកីឡា សង្កាត់វាលវង់ ខណ្ឌ៧មករា រាជធានី ភ្នំពេញ ឃាត់ខ្លួន (គ្មានសារធាតុញៀន) ៕
បច្ចុប្បន្ន ជនសង្ស័យ ឃាត់ខ្លួននៅអធិការដ្ឋាននគរបាល ខណ្ឌសែនសុខ ដេីម្បីអនុវត្តតាមនីតិវិធី ចំណែកជនសង្ស័យផ្សេងទៀតសមត្ថកិច្ចកំពុងស្រាវជ្រាវបន្ត៕
ដោយ៖ ជ្រោយពេជ្រ
