សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កាលពីព្រឹកថ្ងៃទី១២ ខែកញ្ញា ឆ្នាំ២០១៦ ជនសង្ស័យម្នាក់ត្រូវប្រជាពលរដ្ឋ នាំគ្នាព័ទ្ធចាប់ខ្លួន ប្រគល់ឲ្យសមត្ថកិច្ច បន្ទាប់ពីធ្វើសកម្មភាពកាច់សោកម៉ូតូបានសម្រេចហើយ ប៉ុន្តែខណៈកំពុងរត់គេចខ្លួន ម្ចាស់ម៉ូតូឃើញទាន់ស្រែកឆោឡើង ស្ថិតនៅត្រង់ចំណុចផ្សារ ត្រពាំងល្វា ស្ថិតក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យត្រូវសមត្ថកិច្ចនាំទៅសាកសួរ ដោយមានឈ្មោះ សុខ កាន់ អាយុ២២ឆ្នាំស្នាក់នៅផ្ទះជួល ក្នុងភូមិទ្រា សង្កាត់ ស្ទឹងមានជ័យ ខណ្ឌមានជ័យ និងមានស្រុកកំណើតនៅស្រុកស្អាង ខេត្តកណ្ដាល ។ សមត្ថកិច្ចឲ្យដឹងថា ម៉ូតូដែលជនសង្ស័យកាច់កហើយរត់មិនរួចនេះ ម៉ាកហុងដាវ៉េវ ពណ៍ខ្មៅ ពាក់ស្លាកលេខ ភ្នំពេញ ១FZ-០៥៣៧ ៕
