សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យចំនួន៤នាក់ ត្រូវបានកម្លាំងអន្តរាគមន៍ក្រុង សហការជាមួយកម្លាំងអន្តរាគមន៍ខណ្ឌសែនសុខ ឃាត់ខ្លួន ខណៈពួកគេមានលាក់ទុកនូវដាវសាំម៉ូរ៉ៃ និងថ្នាំញៀននៅជាប់ខ្លួន ។
ការឃាត់ខ្លួននេះ ធ្វើឡើងកាលពីវេលាម៉ោងរំលងអធ្រាត្រឈានចូលថ្ងៃទី០៦ ខែតុលា ឆ្នាំ ២០១៦ តាមបណ្តោយផ្លូវ២៧១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
សមត្ថកិច្ចបានអោយដឹងថា ជនសង្ស័យទាំង៤នាក់ ខាងលើទី១ មានឈ្មោះ ជា ត្រេន ភេទប្រុស អាយុ១៨ឆ្នាំ មុខរបរអ្នកវៃសារ៉ាស្បែកជើង ស្នាក់នៅម្ដុំភូមិត្រពាំងឈូក ស្ថិតក្នុងសង្កាត់ទឹកថ្លា ខណ្ឌសែនសុខ និង មានស្រុកកំណើតភូមិព្រះស្ដេច ឃុំព្រះស្ដេច ស្រុកព្រៃវែង ខេត្តព្រៃវែង (មានលាក់ទុកគ្រឿងញៀន១កញ្ចប់) ទី២ ឈ្មោះ ទ្រី សោភណ្ឌ័ ភេទប្រុស អាយុ ១៩ឆ្នាំ មុខរបររើសអេតចាយ ស្នាក់នៅមិនពិតប្រាកដ និងមាន ស្រុកកំណើតភូមិភ្នំឌួង ឃុំមេបុណ្យ ស្រុកស្វាយអន្ទរ ខេត្តព្រៃវែង (មានលាក់ទុកដាវសាំម៉ូរ៉ៃ១ដើម) ទី៣ ឈ្មោះ អួន ពុទ្ធិ ភេទប្រុស អាយុ ១៨ឆ្នាំ មុខរបរមិនពិតស្នាក់នៅផ្ទះជួលម្ដុំផ្សារដីហុយ ស្ថិតក្នុងសង្កាតភ្នំពេញថ្មីខណ្ឌសែនសុខនិងមាន ស្រុកកំណើតភូមិកំសោមអក ឃុំកំសោមអក ស្រុកកំពង់ត្របែក ខេត្តព្រៃវែងនិង ទី៤ ឈ្មោះគឹម សីហា ភេទប្រុស អាយុ ១៨ឆ្នាំ មុខរបរមិនពិត ស្នាក់នៅជាមួយគ្នា ស្រុកកំណើតភូមិឃ្លាំងប្រាក់ ឃុំឃ្លាំងប្រាក់ ស្រុកកំពង់ឆ្នាំង ខេត្តកំពង់ឆ្នាំង ។
តាមប្រភពពីសមត្ថកិច្ចបានអោយដឹងថា មុនពនឹងឃាត់ខ្លួនជនសង្ស័យទាំង៤នាក់ខាងលើ គឺកំលាំងសមត្ថកិច្ចបានល្បាតនៅចំណុចខាងលើ ក៏ប្រទះឃើញជនសង្ស័យឈររេរានៅម្តុំមុខពេទ្យលោកសង្ឃ មានការសង្ស័យក៍ឃាត់ឆែកឆេររកឃើញថ្នាំញៀន១កញ្ចប់ និងដាវសាំម៉ូរ៉ៃ១ដើម ខណៈនោះសមត្ថកិច្ចបានប្រទះឃើញជនសង្ស័យ២នាក់ទៀត ជិះម៉ូតូមួយគ្រឿងម៉ាកស៊ុយសុីគី លែត ពណ៌ខៀវ ពាក់ពាក់ស្លាកលេខ ភ្នំពេញ 1BY 8055 បានបោះថ្នាំញៀ១កញ្ចប់ចោល ហើយត្រូវកម្លាំងនគរបាលឃើញទាន់ ក៏ឃាត់ខ្លួនតែម្ដង ។
បច្ចុប្បន្នជនសង្ស័យទាំង៤នាក់ រួមនឹងវត្ថុតាងកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីចាត់ការទៅតាមនីតិវិធី ៕ តុង សីហា
