ហាស់ៗៗ គួរឲ្យអស់សំណើច! បញ្ជូនជនសង្ស័យទៅតុលាការ បែរជាបណ្តោយឲ្យលោតពីរថយន្ត គេចខ្លួនបាត់

ភ្នំពេញ៖ នៅព្រឹកថ្ងៃទី១១ ខែតុលា ឆ្នាំ២០១៦ ស្ថិតតាមបណ្ដោយផ្លូវព្រះមុន្នីរ៉េត នៅមុខរោងចក្រក្រឡុងស៊ីម៉ងត៍ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ជនសង្ស័យម្នាក់ បានលោតចុះពីរថយន្តរបស់នគរបាល ដែលកំពុងនាំខ្លួនទៅកាន់តុលាការនោះ រត់គេចខ្លួនដោយសុវត្ថិភាព ។

ករណីនេះ ប្រជាពលរដ្ឋ អ្នកធ្វើដំណើរបានអស់សំណើចគ្រប់ៗគ្នា មិនគួរណាគេនាំគ្នាធ្វេសប្រហែស បណ្តោយឲ្យជនសង្ស័យដែលមានដៃជាប់ខ្នោះ រត់គេចខ្លួនដោយសុវត្ថិភាពសោះ ។

គេនៅមិនទាន់ដឹងថា តើជនសង្ស័យដែលរត់ខ្លួននេះ ជាប់ពាក់ព័ន្ធករណីបទល្មើសអ្វីនៅឡើយទេ ៕ ថាច់ យ៉ាត