សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ÷ដោយបានការបញ្ជាដឹកនាំពី នាយឧត្ដម សេនីយ៍ ស ថេត អគ្គស្នងការនគរបាលជាតិ និងប្រសាសន៍ណែនាំរបសស់ បណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ដកំពង់ស្ពឺ និងការដឹកនាំបញ្ជាផ្ទាល់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ក្រោយបែកធ្លាយវីដេអូតាមបណ្ដាញសង្គមហ្វេសប៊ុក ការបង្អួតអំពីសកម្មភាពក្រុមក្មេងទំនេីងដែលបង្ហោះម៉ូតូតាមផ្លូវជាតិលេខ៤១ ក្នុងទឹកដីស្រុកគងពិសី កំលាំងអធិការដ្ឋាននគរបាលស្រុកគងពិសីសហការជាមួយអធិការដ្ឋាននគរបាលស្រុកបសេដ្ឋ ស្រាវជ្រាវឈានទៅឃាត់ខ្លួនមនុស្សចំនួន៥នាក់ ចំណោមបក្ខពួក ១០នាក់ (៥នាក់គេចខ្លួន និងម្នាក់ព្យួរសេរ៉ូម)កាលពីល្ងាចថ្ងៃទី៤ខែកុម្ភៈ ៖
(១)-ឈ្មោះ ហូ ម៉េងហុង ភេទប្រុស អាយុ១៧ឆ្នាំ នៅភូមិបឹងស្តុក ស្រុកបសេដ្ឋ (អ្នកថតរូប) ឃាត់ខ្លួន
(២)-ឈ្មោះ ស៊ីម វេហា ភេទប្រុស អាយុ១៦ឆ្នាំ នៅភូមិចាស់ ឃុំបសេដ្ឋ ស្រុកបរសេដ្ឋ ឃាត់ខ្លួន
(៣)-ឈ្មោះ ហ៊ន សុខហាត ភេទ អាយុ១៨ឆ្នាំ នៅភូមិព្រៃគោកត្រប់ ឃុំបរសេដ្ឋ ឃាត់ខ្លួន
(៤)-ឈ្មោះ លីម ស័ក្ករាជ្យ ភេទប្រុស អាយុ១៧ឆ្នាំ នៅភូមិសាឡាំ ឃុំពោធិ៍ម្រាល ស្រុកបសេដ្ឋ ឃាត់ខ្លួន
(៥)-ឈ្មោះ អ៊ុល ដារ៉ាប់ ភេទប្រុស អាយុ១៧ឆ្នាំ នៅភូមិគូកត្រប់ ស្រុកបរសេដ្ឋ (កំពុងព្យាបាលជម្ងឺ គ្រុន ឈាម)
បក្ខពួកផ្សេងទៀតសមត្ថកិច្ចកំណត់មុខសញ្ញាបានអស់ហេីយ ក្នុងមុខសញ្ញាទាំង៥នាក់ មានម្នាក់ជាក្រុមក្មេង
ទំនេីងដែលធ្លាប់បានសមត្ថកិច្ចនគរបាលស្រុកបសេដ្ឋឃាត់ខ្លួននិងកោសក់ ដកហូតម៉ូតូរក្សាទុករយៈពេល ៩០ថៃ្ង និងហៅអាណាព្យាបាលមកធានាយកទៅគ្រប់ គ្រងបន្ដ តែធាតុពិតក្រោយបានម៉ូតូយកទៅវិញ។ នៅតែបន្ដធ្វេីសកម្មភាពនាំគ្នីគ្នាបក្ខពួកបង្កេីតព្រឹត្ដការណ៍លេីសមុន និងជាអ្នកបង្ហោះនិងថតរូបបង្ហោះចែកចាយតាម tik tok និងបណ្ដាញសង្គមផ្សេងទៀត។
បច្ចុប្បន្នក្រុមក្មេងទំនេីង៤នាក់ ចំណោមទ៥នាក់ រួមជាមធ្យោបាយធ្វេីសកម្មភាពម៉ូតូ២គ្រឿង ត្រូវបានកំលាំងអធិការដ្ឋាននគរបាលស្រុកគងពិសី បានកសាងសំណុំ រឿងបញ្ជូនទៅការិយាល័យព្រហ្មទណ្ឌ ចាត់ការបន្ដ៕
