សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ នៅថ្ងៃទី៨ ខែមីនា ឆ្នាំ២០២៦អនុវត្តបទ បញ្ជាយ៉ាងម៉ឺងម៉ាត់របស់នាយឧត្តមសេនីយ៍ ស ថេត អគ្គស្នងការនគរបាលជាតិ និងលោក ប៉ែន កុសល្យ អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តត្បូងឃ្មុំ និងការបញ្ជាដឹកនាំផ្ទាល់របស់លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ កម្លាំងអធិការដ្ឋាននគរបាលស្រុកអូររាំងឪ សហការជាមួយប៉ុស្តិ៍នគរបាលរដ្ឋបាល ធ្វើការបង្ក្រាបករណីក្មេងទំនើង ០៥នាក់ បង្ហោះម៉ូតូ នៅតាមទីសាធារណៈ បង្កអសន្តិសុខ និងការភ័យខ្លាច ដល់ប្រជាពលរដ្ឋ កាលពីរសៀលថ្ងៃទី៨ ខែមិនា ឆ្នាំ២០២៦ នៅចំណុចភូមិ៤៤ ឃុំប្រធាតុ ស្រុកអូររាំងឪ ខេត្តត្បូងឃ្មុំ។
បច្ចុប្បន្ន សមត្ថកិច្ចបានធ្វើការ អប់រំ ណែនាំ និងធ្វើកិច្ចសន្យា ឲ្យអាណាព្យាបាល មកធានាយកទៅលំនៅឋានវិញ រីឯវត្ថុតាងត្រូវបានរក្សាទុកនៅអធិការដ្ឋាននគរបាលស្រុកអូររាំងឳ រយៈពេល ៣ខែ៕
