សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ÷នៅព្រឹកថ្ងៃទី២០ខែកញ្ញាឆ្នាំ២០២៦នេះមន្ត្រីនគរបាលខណ្ឌចំការមនបានឲ្យដឹងថា កម្លាំងប៉ុស្តិ៍នគរបាលរដ្ឋបាលផ្សារដើមថ្កូវ នៃអធិការដ្ឋាននគរបាលខណ្ឌចំការមនឃាត់ខ្លួនជនសង្ស័យម្នាក់ករណីលួចម៉ូតូ០១គ្រឿង។
នៅថ្ងៃទី ១៩ខែកញ្ញា២០២៦ វេលាម៉ោង ១១ និង ០០នាទី កម្លាំងប៉ុស្តិ៍ផ្សារដើមថ្កូវ បានសហការជាមួយកម្លាំងផ្នែកព្រហ្មនៃអធិការដ្ឋាននគរបាលទណ្ឌខណ្ឌចំការមន បានឃាត់ខ្លួនជនសង្ស័យ ចំនួន០១នាក់ នៅចំណុចផ្ទះជួល ផ្លូវ៩៧ ក្រុម៣២ ភូមិ៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
ស្ដីអំពី ករណីលួចម៉ូតូ ចំនួន០១គ្រឿង ម៉ាកនិច ពណ៌ក្រហម ពាក់ផ្លាកលេខ ភ្នំពេញ MS-3750 កាលពីថ្ងៃទី ០៥.០៩.២០២៦ វេលាម៉ោង ១១និង០០នាទី ។
ប្រភពបានឱ្យដឹងថា ជនសង្ស័យ ឈ្មោះ នាវ សម្បត្តិ ហៅប្រុសតូច អាយុ ១៧ឆ្នាំ ជនជាតិខ្មែរ ស្នាក់នៅផ្ទះជួល ផ្លូវ២១៧ សង្កាត់ព្រៃស ខណ្ឌដង្កោ រាជធានីភ្នំពេញ មុខរបរសន្តិសុខ (មានសារធាតុញៀន) ។
សម្ភារៈដកហូត ៖
– ម៉ូតូចំនួន០១គ្រឿង ម៉ាកHONDA C125 ពណ៌ខ្មៅ សេរី២០២៦ ពាក់ផ្លាកលេខភ្នំពេញ 1MR-6321 ។
-ទូរស័ព្ទចំនួន០១គ្រឿង ម៉ាកI PHONE 7 ពណ៌ខ្មៅ ស៊ីមលេខ ០៩៦ ២១៩ ៨៨៩។
បច្ចុប្បន្ន ជនសង្ស័យកម្លាំងជំនាញនៃអធិការដ្ឋាននគរបាលខណ្ឌចំការមន កំពុងកសាងសំណុំរឿងចាត់ការតាមនីតិវិធី៕
