សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖នៅវេលាម៉ោង ១និង១០នាទីរំលងអធ្រាត្រ ឈានចូលថ្ងៃទី២២ ខែតុលា ឆ្នាំ២០២៦ មានករណីអគ្គីភ័យមួយកន្លែងកើតឡើងនៅចំណុចសិប្បកម្មធ្វើសាឡុង ផ្លូវលំ ក្រុម១៧ ភូមិ ឬស្សី៣ សង្កាត់ ស្ទឹងមានជ័យ២ ខណ្ឌ មានជ័យ រាជធានីភ្នំពេញ។
សមត្ថកិច្ចបានឲ្យដឹងថា គ្រោះអគ្គីភ៏យនេះបណ្តាលឲ្យ
ស្លាប់មនុស្ស ចំនួន ៣នាក់ រួមមាន៖
១- ឈ្មោះ ម៉ិច ភន ភេទ ប្រុស អាយុ ៦៨ ឆ្នាំ
២- ឈ្មោះ ម៉ិច សុគន្ធី ភេទ ស្រី អាយុ ៤០ ឆ្នាំ
៣- ឈ្មោះ ប៉ាវ សុគនាតា ភេទ ស្រី អាយុ ៨ ឆ្នាំ។
ចំណែកអ្នករបួសចំនួន ២នាក់
១- ឈ្មោះ ប៉ាវ គា ភេទ ប្រុស អាយុ ៤២ ឆ្នាំ
២- ឈ្មោះ ម៉ិច សុជាតា ភេទ ស្រី អាយុ ៣៨ ឆ្នាំ។
សមត្ថកិច្ចបានឲ្យដឹងទៀតថា ម្ចាស់ទីតាំងឈ្មោះ ប៉ាន គា ភេទ ប្រុស អាយុ ៤២ឆ្នាំ ជនជាតិ ខ្មែរ មុខរបរ ម្ចាស់សិប្បកម្មធ្វើសាឡុង ។
ប្រភេទសំណង់ផ្ទះថ្មបេតុង ទំហំ ៩ម៉ែត្រ x២០ម៉ែត្រ ។
ខូចខាតសម្ភារៈ ឆេះផ្ទះថ្មចំនួន ១ខ្នង, រោងដែកប្រក់ស័ង្កសីចំនួន ១រោង, រថយន្តចំនួន ២គ្រឿង, ម៉ូតូ ៣គ្រឿង, ម៉ូតូកង់បីចំនួន ១គ្រឿង និងគ្រឿងសាឡុងមួយចំនួនធំ។
សមត្ថកិច្ចបានឲ្យដឹងថា នៅក្នុងហេតុការណ៍
កម្លាំងការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញចេញចំនួន ១៩គ្រឿង បានប្រេីប្រាស់ទឹកអស់ចំនួន ១៣៣ គ្រឿង ស្មើនឹង ៥៣២ ម៉ែត្រគូប។
រថយន្តអគ្គិភ័យបុរីប៉េងហួតចំនួន ១គ្រឿង ប្រើប្រាស់ទឹកអស់ចំនួន ៤រថយន្ត ស្មើនឹង ២៤ម៉ែត្រគូប ។
រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ១គ្រឿង ប្រើប្រាស់ទឹកអស់ចំនួន ៤រថយន្ត ស្មើនឹង ២៤ម៉ែត្រគូប ។
ពន្លត់ចប់នៅវេលាម៉ោង ៥នឹង០៥នាទីព្រឹក នាថ្ងៃខែ ឆ្នាំដដែល។
ចំពោះមូលហេតុសមត្ថកិច្ចយើងកំពុងបន្តការស្រាវជ្រាវ ៕ជ្រោយពេជ្រ
