សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់ត្រូវបានប្រជាពលរដ្ឋ ក៏ដូចជាអ្នកធ្វើដំណើរប្រទះឃើញដេកស្លាប់ បង្កអោយមានការភ្ញាល់ផ្អើលកាលពីវេលាម៉ោង១២និង៣០នាទី ថ្ងៃទី៩ ខែវិច្ឆិកា ឆ្នាំ២០១៦ ស្ថិតក្នុងភូមិទន្លៀង ឃុំរមាំងថ្កោល ស្រុកស្វាយទាប សង្ស័យមានជំងឺសរសៃប្រសាទ។
យោងតាមសមត្ថកិច្ចនគរបាលស្រុកបានអោយដឹងថា បុរសដែលស្លាប់មានឈ្មោះ មិន ពៀន អាយុ៤១ឆ្នាំ មុខរបរកសិករ មានទីលំនៅក្នុងភូមិឃ្មត់ ឃុំស្វាយជ្រំ ស្រុកស្វាយជ្រំ ។ តាមក្រុមគ្រួសារបានអោយដឹងថាបុរសខាងលើធ្លាប់មានជំងឺសរសៃប្រសាទយូរខែមកហើយ ។
ប្រភពបន្តថា ដោយនៅថ្ងៃទី៨ ខែវិច្ឆិកា ឆ្នាំ២០១៦ បុរសខាងលើបានបាត់ខ្លួន ដោយក្រុមគ្រួសារបាននាំគ្នាដើររក ប៉ុន្តែមិនដឹងទៅទីណានោះទេ ស្រាប់តែនៅរសៀលថ្ងៃទី៩ ខែវិច្ឆិកា ឆ្នាំ២០១៦ ក៏មានការភ្ញាល់ផ្អើលថា មានមនុស្សដេកស្លាប់នៅម្ដុំទន្លៀង លុះពេលមកមើល ទើបដឹងថា ជាបងប្អូនរបស់ខ្លួន ។
ក្រោយពីមានសេចក្ដីរាយការណ៍ពីប្រជាពលរដ្ឋសមត្ថកិច្ចមូលដ្ឋាន និងនគរបាលជំនាញបានមកពិនិត្យសាកសព និងបានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី ខណៈមានស្លាកស្នាមរយះចុងភ្នែកខាងស្ដាំសង្ស័យដើរធ្លាក់គុម្ពោតព្រៃ ដោយសមត្ថកិច្ចកំពុងស្រាវជ្រាវនៅឡើយ ៕ យឹម សុថាន
