សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងនគរបាលខណ្ឌពោធិសែនជ័យ បង្ក្រាបចាប់សង្វៀនប្រជល់មាន់ មួយកន្លែងកាលពីវេលាម៉ោង៤និង៣០នាទីរសៀល ថ្ងៃទី១៦ ខែវិច្ឆិកា ឆ្នាំ២០១៦ ដែលស្ថិតនៅក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ដកហូតម៉ូតូចំនួន៤គ្រឿង មាន់ជល់៤ក្បាល មេអាប៉ោង១គ្រាប់ អ្នកលេងរត់គេចបាត់អស់ ។
ដោយមានការាយការណ៍ពីប្រជាពលរដ្ឋទើបសមត្ថកិច្ចចុះបង្ក្រាប់ដោយមានការបញ្ជាផ្ទាល់ពីលោកយឹម សារ៉ាន់ អធិការនគរបាលខណ្ឌពោធិ៍សែន ។
ក្នុងកិច្ចប្រតិបត្តិការបង្ក្រាបខាងលើ សមត្ថកិច្ចដកហូតបានតែម៉ូតូចំនួន៤គ្រឿង មាន់ជល់៤ក្បាល និងសម្ភារៈ ប្រើសម្រាប់ប្រគល់មាន់មួយចំនួនទៀត ។
ក្រោយពីប្រតិបត្តិការបង្ក្រាប សមត្ថកិច្ចរុះរើ សង្វៀនប្រជល់មានចោល រួចប្រមូលសម្ភារៈ ទៅអធិការដ្ឋាននគរបាលខណ្ឌ ៕ សុខាសែនជ័យ
