សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មនុស្សប្រុសស្រី៦នាក់ ត្រូវបានកម្លាំងអាវុធហត្ថខណ្ឌពោធិ៍សែនជ័យឃាត់ខ្លួនជាប់ពាក់ព័ន្ធជូញដូគ្រឿងញៀន និងចោរកម្មដកហូតថ្នាំញៀន៦៩កញ្ចប់តូចធំ ។
ហេតុការណ៍នេះ បានកើតឡើងកាលពី វេលាម៉ោង១៥និង១៥នាទី ថ្ងៃទី១៨ ខែវិច្ឆិកា ឆ្នាំ២០១៦ នៅបន្ទុប់ជួលលេខ៥ ផ្លូវលំភូមិប៉ប្រកខាងជេីង សង្កាត់កាកាប ខណ្ឌពោធិសែនជ័យ រាជធានីភ្នំពេញ ។
អាវុហត្ថបានឲ្យដឹងថា ដោយមានការសហការជាមួយប្រជាពលរដ្ឋរាយការណ៍ថា មានក្រុមជូញដូរគ្រឿងញៀនសម្ងំប្រើប្រាស់ និងជូញដូរខាងលើ ទើបកម្លាំងតាមស្រាវជ្រាវរហូតឈានទៅដល់ចុះទៅឆែកឆេរដល់ទីតាំងខាងលើ និងឃាត់ខ្លួនតែម្តង។
ក្នុងប្រតិបត្តិការនោះ អាវុហត្ថបានដកហូតថ្នាំញៀនម្សៅក្រាមថ្លា៣៥កញ្ចប់តូច ៣៤កញ្ចប់ធំល្មម ជញ្ជីងសម្រាប់ថ្លឹងគ្រឿងញៀន១ ប្រដាប់កាច់ក៏ម៉ូតូ៤ ប្រដាប់ឆ្កឹះសោ៣ សោលេខដប់១ ថង់ច្រកគ្រឿងញៀនមួយចំនួន សម្ភារប្រេីប្រាស់គ្រឿងញៀនមួយចំនួន និងម៉ូតូ២គ្រឿង។
ក្រោយពីឃាត់ខ្លួន ជនសង្ស័យត្រូវបានកម្លាំងអាវុធហត្ថកសាងសំណុំរឿងបញ្ជូនទៅអាវុធហត្ថរាជធានីដើម្បីចាត់ការបន្ត ៕ សុខាសែនជ័យ
