សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ៖ ជនសង្ស័យ៤នាក់ត្រូវបានចាប់ឃាត់ខ្លួនដោយកំលាំងនគរបាលស្រុកតំបែរ សង្ស័យជាប់ពាក់ព័ន្ធនឹងសារធាតុញៀន។
ការឃាត់ខ្លួននេះធ្វើរឡើងកាលពីវេលាម៉ោង ៥និង៣០នាទីល្ងាច ថ្ងៃទី២៣ ខែវិច្ឆិកា ឆ្នាំ២០១៦ នៅចំណុចភូមិបែង ឃុំសេដា ស្រុកតំបែរ ខេត្តត្បូងឃ្មុំ ។
នាយការិយាល័យប្រឆាំងបទល្មើសគ្រឿងញៀនខេត្តត្បូងឃ្មុំ លោកវរសេនីយ៍ ជា ជឿន បានឲ្យដឹងថា ជនសង្ស័យចំនួន៤នាក់ ទី១ ឈ្មោះបភឿន ផាន់ ភេទប្រុស អាយុ១៧ឆ្នាំ នៅភូមិបែង ឃុំសេដា ស្រុកតំបែរ ខេត្តត្បូងឃ្មុំ ទី២ ឈ្មោះ សុះ ម៉ូសា ភេទប្រុស អាយុ២១ឆ្នាំ ទី៣ ឈ្មោះ តាំ យូសុះ ភេទប្រុស អាយុ២២ឆ្នាំនៅភូមិព្រែកជរ ឃុំសេដា ស្រុកតំបែរ ខេត្តត្បូងឃ្មុំនិងទី៤ ឈ្មោះ មាត់ អីសា ភេទប្រុស អាយុ២១ឆ្នាំ នៅភូមិរពាក់២ ឃុំសេដា ស្រុកតំបែរ ខេត្តត្បូងឃ្មុំ ។
លោកបន្តថា ករណីខាងលើសមត្ថកិច្ចដកហូតបានម្សៅក្រាមសង្ស័យគ្រឿងញៀនចំនួន៣កញ្ចប់ បច្ចុប្បន្នជនសង្ស័យទាំង៤នាក់កំពុងឃាត់ខ្លួននៅអធិការដ្ឋាននគរបាលស្រុកដើម្បីបំពេញនីតិវិធីបញ្ជូនទៅតុលាការចាត់ការតាមច្បាប់ ៕ វណ្ណៈ
