សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលព្រហ្មទណ្ឌខណ្ឌ៧មករា ឃាត់ខ្លួនបានជនសង្ស័យ២នាក់ ខណៈកំពុងប្រើប្រាស់គ្រឿងញៀន នៅតាមផ្លូវលំ។
ហេតុការណ៍នេះ កើតឡើងកាលពីវេលាម៉ោង៥ល្ងាច ថ្ងៃទី២៦ ខែវិច្ឆិកា ឆ្នាំ២០១៦ ស្ថិតនៅផ្លូវលេខ២១៥ សង្កាត់វាលវង់ ខណ្ឌ៧មករា រាជធានីភ្នំពេញ។
សមត្ថកិច្ចឲ្យដឹងថា ជនសង្ស័យ ទី១ ឈ្មោះ ជឿង វៃឡេង ភេទស្រី អាយុ៣០ឆ្នាំ ស្នាក់នៅមុខរបបពុំពិតប្រាកដ និងទី២ ឈ្មោះ សេង នីតា ភេទប្រុស អាយុ២៧ឆ្នាំ ស្នាក់នៅមុខរបរពិតប្រាកដ។
បើតាមប្រភពព័ត៌មានពីសមត្ថកិច្ចបានអោយដឹងថា នៅមុនពេលឈានទៅដល់ការឃាត់ខ្លួនជនសង្ស័យទាំង២នាក់ខាងលើនេះ កម្លាំងនគរបាលព្រហ្មទណ្ឌខណ្ឌ៧មករា ដឹកនាំដោយ លោក ក្រេត សិខរិន អធិការរងទទួលផែនយុតិ្តធម៌ នៃអធិការដ្ឋាននគរបាលខណ្ឌ៧មករា បានល្បាតក្នុងមូលដ្ឋាន ក៏ប្រទះឃើញជនសង្ស័យកំពុងអង្គុយសម្ងំជក់គ្រឿញៀន នៅចំណុចខាងលើ ក៏ត្រូវបានកម្លាំងនគរបាលឃាត់ខ្លួនជនសង្ស័យ២នាក់តែម្តង និងចាប់យកសម្ភារៈសម្រាប់ជក់១ចំនួនផងដែរ។
បច្ចុប្បន្នជនសង្ស័យទាំង២នាក់ ត្រូវបានកម្លាំងនគរបាលនាំមកឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌ៧មករាដើម្បីចាត់ការតាមនីតិវិធី៕ សរស្មី
