សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ទើបចេញពីក្លឹប បានជិះម៉ូតូស្កុបពីមួយគ្រឿងក្នុងល្បឿនមួយយ៉ាងលឿន ហើយបានជ្រុលឡើងលើការឺឡា ទៅបុករថយន្ត CRV ដែលចតទុកមុខហាងមួយនៅផ្សាTK ទួលគោកបណ្តាលបោកក្បាលផុងលលាដ៍ស្លាប់យ៉ាងអាណោចអាធ័ម ។
ហេតុការណ៍នេះនៅវេលាម៉ោង ២និង៣០នាទីរំលងអធ្រាត្រ ឈានចូលថ្ងៃទី១៣ ខែធ្នូ ឆ្នាំ២០១៦ ស្ថិត នៅតាមបណ្តោយផ្លូវ ៣១៥ ចំណុចផ្សារTK ក្នុងសង្កាត់បឹងកក់ទី១ ខណ្ឌទួលគោក ហើយសពត្រូវបានបងប្អូនប្រាប់ថា ឈ្មោះ នង យ៉ាវ រស់នៅ ឃុំសោប ស្រុកគីរីវង្ស ខេត្តតាកែវ ត្រូវបានបងប្អូនដឹកយកទៅធ្វើបុណ្យ តាមប្រពៃណីនៅស្រុកកំណើត។
តាមសម្ដីសន្តិសុខម្នាក់ដែលយាមនៅមុខហាងជាកន្លែងកើតហេតុបានប្រាប់ឲ្យដឹងថា គឺគេឃើញបុរសដែលស្លាប់ខាងលើបានជិះម៉ូតូតែម្នាក់ឯង មួយគ្រឿងម៉ាកស្កុបពីពណ៌សស្លាកលេខភ្នំពេញ1CT-0755 ក្នុងល្បឿនលឿនលុះជិះមកដល់កន្លែងកើតហេតុដែលជាចនុចគ្រោះថ្នាក់បានជ្រុលឡើងទៅលើឃឿនបុកនិងបង្គោលផ្លាកសញ្ញា បាក់ហើយជ្រុលទៅបុក រថយន្តCRV ពណ៌ខ្មៅ មួយគ្រឿង ដែលគេចតចោលនៅមុខហាងបណ្តាលឲ្យបាក់កស្លាប់ភ្លាមៗនៅកន្លែងតែម្តង ចំណែករថយន្ត និងម៉ូតូរងការខូចខាត ធ្ងន់ត្រូវបានចរាចរណ៍ចុះមកវាស់វែង និងស្ទួចយកទៅរក្សាទុកនៅការរិយាល័យក្រុងដើម្បីចាត់ការតាមនីតិវិធិច្បាប់៕ ភារ៉ា ដង្កោ
