សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ហេតុការណ៍ភ្ញាក់ផ្អើលមួយ បានកើតឡើងទាំងកណ្តាលយប់បន្ទាប់ពីស្ត្រីម្នាក់ ខណៈកំពុងដេកលង់លក់ជាមួយប្តីនិងកូនសុខៗ ស្រាប់តែដកចង្កាមាន់ត្រដស្លាប់ភ្លាមៗមួយរំពេច។
ហេតុការណ៍នេះបានកើតឡើងកាលពីវេលាម៉ោង៣យប់ ថ្ងៃទី១៤ ខែធ្នូ ឆ្នាំ២០១៦ ស្ថិតនៅផ្ទះជួលភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ។
ស្ត្រីរងគ្រោះឈ្មោះ ហន ចាន់ថូ អាយុ ៣៤ឆ្នាំ មុខរបរនៅផ្ទះ ស្នាក់នៅភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ មាន ស្រុកកំណើតនៅភូមិអំពិល ឃុំសំប្រូច ស្រុកស្ទោង ខេត្តកំពង់ធំ មានប្តីឈ្មោះ អ៊ុង សារឿន អាយុ៥០ឆ្នាំ មុខរបររត់ម៉ូតូឌុប មានស្រុកកំណើតនៅជាមួយគ្នា មានកូន ៣នាក់ ស្រី២នាក់ និងប្រុស១ អាយុ៦ខែ។
តាមការរៀបរាប់ពីបុរសជាប្តីស្ត្រីរងគ្រោះបានឲ្យដឹងថា នៅយប់កើតហេតុ ប្រពន្ធនិង គាត់ ព្រមទាំងកូនទាំង៣នាក់បានដេកជា មួយគ្នាដូចថ្ងៃធម្មត។ លុះដល់នៅវេលាម៉ោង កើតហេតុ រូបគាត់បានឮសូរប្រពន្ធរបស់គាត់ដកចង្កាមាន់ ភ្លាមៗនោះគាត់បានស្ទាបគក់ច្របាច់ប្រពន្ធរបស់គាត់ដែលកំពុងតែត្រដ ខ្យល់ និងដកចង្កាមាន់ ព្រមទាំងបានទូរស័ព្ទហៅរថយន្តពេទ្យដើម្បីដឹកទៅសង្គ្រោះ ប៉ុន្តែពេលរថយន្តពេទ្យមកដល់ស្រាប់តែប្រពន្ធ របស់គាត់បានដាច់ខ្យល់បាត់ទៅ ។
ក្រោយពេលកើតហេតុនគរបាលជំនាញ បានពិនិត្យសព ហើយសន្និដ្ឋានដឹងថា ស្ត្រី រងគ្រោះស្លាប់ដោយសារខ្យល់គររួចប្រគល់សពឲ្យបុរសជាប្តីយកទៅធ្វើបុណ្យតាម ប្រពៃណីនៅស្រុកកំណើត ៕ សុខាសែនជ័យ
