សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ថ្ងៃទី១៣ ខែធ្នូ ឆ្នាំ២០១៦ ម៉ោង៧យប់ នគរបាលខណ្ឌច្បារអំពៅបានទទួលជនសង្ស័យម្នាក់ករណីលួចម៉ូតូនៅមុខផ្ទះគ្មានលេខ ផ្លូវលេខ៣៦៩ ភូមិអូរ អណ្តូង១ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ។
ជនរងគ្រោះឈ្មោះ សេង នីម ភេទ ប្រុស អាយុ២១ឆ្នាំ ជនជាតិខ្មែរ មុខរបររត់ មូ៉តូឌុប ស្នាក់នៅ ភូមិអូរអណ្តូង១ សង្កាត់ ព្រែកប្រា ខណ្ឌច្បារអំពៅ។
ជនសង្ស័យឃាត់ខ្លួនឈ្មោះរស់ សុភក្ត្រ័ ភេទប្រុស អាយុ២៩ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ៣B១៩ ផ្លូវ១១០ សង្កាត់ស្រះចក ខណ្ឌច្បារអំពៅ ។
មុនពេលកើតហេតុ ជនរងគ្រោះបានយកម៉ូតូម៉ាកហុងដាសេ១២៥ សេ៊រីឆ្នាំ២០១៤ ពាក់ស្លាកលេខភ្នំពេញ ១CI-៦៧០៥ នៅ ចំណុចកើតហេតុរួចចាក់សោកម៉ូតូត្រឹមត្រូវ ស្រាប់តែជនសង្ស័យលួចម៉ូតូជនរងគ្រោះ ជិះចេញត្រូវបានជនរងគ្រោះឃើញទាន់ក៏ស្រែកចោរៗនាំគ្នាដេញចាប់បានជនសង្ស័យ រួចវាយឲ្យរបួសធ្ងន់ក៏ប្រគល់ឲ្យសមត្ថកិច្ច នគរបាលខណ្ឌច្បារអំពៅដើម្បីកសាងសំណុំ រឿងតាមនីតិវិធីបញ្ជូនទៅសាលាដំបូងរាជធានីភ្នំពេញ៕ ហេង នរិន្ទ្រ
