នគរបាលចាប់ចោរលួចរថយន្តក្មេងៗ២នាក់

ភ្នំពេញ៖ កម្លាំងនគរបាលការិយាល័យព្រហ្មទណ្ឌកម្រិតធ្ងន់នៃស្នងការដ្ឋានរាជធានីភ្នំពេញសហការជាមួយនគរបាលប៉ុស្តិ៍ច្បារអំពៅទី២ បានចុះបង្ក្រាបឃាត់ខ្លួនជនសង្ស័យ២នាក់ ដែលធ្វើសកម្មភាពលួចរថយន្តចំនួន២គ្រឿងរួចយកទៅផ្ញើទុកនៅ កន្លែងផ្ញើរថយន្តក្បែរបន្ទប់ជួលដែលពួកគេស្នាក់នៅ ស្ថិតនៅក្នុងក្រុម៨ ភូមិដើម ចាន់១សង្កាត់ច្បារអំពៅទី២ ខណ្ឌច្បារ អំពៅកាលពីវេលាម៉ោង៧និង៣០យប់ថ្ងៃ ទី១៦ ខែធ្នូ ឆ្នាំ២០១៦។

ជនសង្ស័យដែលឃាត់ខ្លួនមាន ឈ្មោះ លាភ កែវ ភេទប្រុស អាយុ១៧ឆ្នាំ មុខរបរ មិនពិតប្រាកដ ស្នាក់នៅផ្ទះជួល គ្មាន លេខផ្លូវ៣៥៧ ស្ថិតនៅក្រុម១២ ភូមិ ដើមស្លែង សង្កាត់ច្បារអំពៅទី២ ខណ្ឌ ច្បារអំពៅ និងឈ្មោះ ម៉ា រ៉េឌៀន ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់ នៅផ្ទះជួល សង្កាត់បឹងកេងទី៣ ខណ្ឌចំការ មន និងដកហូតវត្ថុតាងរួមមានបំពង់ជក់ថ្នាំញៀនចំនួន២ស្លាកលេខរថយន្តពាក់ស្លាកលេខនគរបាល៣០៧៧១ កន្ត្រៃកាត់ដែក ១ កាំបិតដងជ័រ១ កាំភ្លើងជ័រ១ ដែកកាច់ សោកម៉ូតូ២ ដាវសាម៉ូរ៉ៃ១ ជញ្ជីងសម្រាប់ ថ្លឹងថ្នាំញៀន១ និងរថយន្ត២គ្រឿងគឺរថ យន្តម៉ាកមែរសឺដែស ពណ៌ខ្មៅ ពាក់ស្លាក លេខ ភ្នំពេញ2F-4626 និងរថយន្តម៉ាក កាមរីបាឡែន ពណ៌ស ពាក់ស្លាកលេខ ភ្នំពេញ 2AF-3769 ។

នគរបាលប៉ុស្តិ៍ច្បារអំពៅទី២បានឲ្យ ដឹងថា កម្លាំងនគរបាលព្រហ្មទណ្ឌកម្រិត ធ្ងន់នៃស្នងការដ្ឋានរាជធានីភ្នំពេញសហការជាមួយនគរបាលប៉ុស្តិ៍ច្បារអំពៅទី២ បានចុះទៅបង្រ្កាបឃាត់ខ្លួនជនសង្ស័យ លួចរថយន្ត ២នាក់នៅក្នុងបន្ទប់ជួលខាងលើដកហូតបានវត្ថុតាងមួយចំនួននិងសាកសួររករថយន្តដែលពួកគេលួចហើយពួកគេបានប្រាប់ថាយកទៅផ្ញើនៅកន្លែងផ្ញើរថយន្តដែលមានអ្នកទទួលផ្ញើឈ្មោះ ឈ មនោរ៉េន ភេទស្រី អាយុ៤៦ឆ្នាំ ស្នាក់នៅផ្ទះគ្មានលេខ តាមផ្លូវលេខ៣៥៧ ស្ថិត នៅភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ នៅក្បែរបន្ទប់ជួលរបស់ ជន សង្ស័យដែរ ក៏បាន ដកហូតបានរថយន្ត ២គ្រឿងទៀត ។

តាមការឲ្យដឹងពីម្ចាស់ទីតាំងទទួលផ្ញើ រថយន្តបានប្រាប់ថា រថយន្តទាំង២គ្រឿង ខាងលើនេះជនសង្ស័យបានយកមកផ្ញើប្រមាណជាមួយអាទិត្យតែប៉ុណ្ណោះ ។

ជនសង្ស័យទាំង២នាក់ និងវត្ថុតាងដែលដកហូតបានត្រូវកម្លាំងនគរបាលព្រហ្ម ទណ្ឌកម្រិតធ្ងន់នៃស្នងការដ្ឋានរាជធាន ភ្នំពេញចាត់ការតាមផ្លូវច្បាប់។ ចំណែកស្រ្តីជាម្ចាស់ទីតាំងផ្ញើរថយន្តមិនបានឃាត់ខ្លួនទេ ៕ ហេង នរិន្ទ្រ