សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មនុស្ស២នាក់ត្រូវនគរបាលប៉ុស្តិ៍ទឹកថ្លា ឃាត់ខ្លួនពាក់ព័ន្ធករណីឆែករកឃើញថ្នាំញៀនចំនួន១កញ្ចប់តូចជាប់ខ្លួនពួកគេ។
ការឃាត់ខ្លួនជនសង្ស័យទាំង២នាក់ខាងលើនេះ បានធ្វើឡើងកាលពីវេលាម៉ោង១១និង៤០នាទីយប់ ថ្ងៃទី២៦ ខែធ្នូ ឆ្នាំ២០១៦នៅចំណុចមុខមន្ទីរពេទ្យលោកសង្ឃ ភូមិត្រពាំងឈូក សង្កាត់ទឹកថ្លា ខណ្ឌសែនសុខ។
ជនសង្ស័យទី១ មានឈ្មោះ ណូ ដាណូ ភេទប្រុស អាយុ ១៩ ឆ្នាំ មុខរបររោងចក្រ ស្នាក់នៅផ្ទះជួលផ្សាទឹកថ្លា សង្កាត់ទឹកថ្លា ខណ្ឌសែនសុខ មានស្រុកកំណើតភូមិព្រៃពោធិ៍ ឃុំឫស្រុក ស្រីសន្ធ កំពង់ចាម ទី២ឈ្មោះ ឆឺត ឈាន់ ភេទប្រុស អាយុ២២ ឆ្នាំ មុខរបរលក់ដូរ ស្នាក់នៅត្រឡោកបែក សង្កាត់បឹងកក់២ ខណ្ឌទួលគោក ស្រុកកំណើតភូមិព្រែកប្រសព ស្រុកខ្សាច់កណ្ដាល ខេត្តកណ្ដាល។
សមត្ថកិច្ចបបានអោយដឹងថា មុននិងឃាត់ខ្លួន ជនសង្ស័យខាងលើ គឺកំលាំងនគរបាលបានល្បាតក្នុងមូលដ្ឋាន លុះដល់ចំណុចខាងលើក៍ឃើញជនសង្ស័យពីនាក់ជិះម៉ូតូមួយគ្រឿងម៉ាកស៊ុយស៊ីគីឡែត ពណ៌ស ពាក់ស្លាកលេខ ភ្នំពេញ 1CY 2579 ទើបតែចេញពីក្នុងប្លុកគ្រឿងញៀន សង្ស័យក៏បានជិះប្រដេញ រហូតដល់ចំណុចខាងលើ ហើយឃាត់ឆែកឆេរពេលនោះ ក៏ឃើញថ្នាំញៀនមួយកញ្ចប់នៅលើខ្លួនជនសង្ស័យម្នាក់ក្នុង ចំណោមពីរនាក់នោះ ទើបសមត្ថកិច្ចឃាត់ខ្លួនពួកគេតែម្តង។
បើតាមសម្តីពីជនសង្ស័យបានសារភាពថា រូបគេទាំងពីរនាក់បានទិញថ្នាំញៀននេះ មកពីប្លុកគ្រឿងញៀនខាងលើចំនួន២ម៉ឺនរៀល ហើយបំណងយកទៅជក់ពីរនាក់នៅបន្ទប់ជួលរបស់អ្នកគេ ។
បច្ចុប្បន្នជនសង្ស័យទាំង២នាក់ រួមនឹងវត្ថុតាងកំពង់ឃាត់ខ្លួននៅអធិការដ្ឋាននគរបាលខណ្ឌសែនសុខចាត់ការតាមផ្លូវច្បាប់៕ តុង សីហា
