សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ស្ត្រីជនជាតិវៀតណាមម្នាក់ត្រូវបានប្រទះឃើញដេកស្លាប់ក្នុងកាស៊ីណូ បង្កអោឲ្យមានការភ្ញាក់ផ្អើលដល់បុគ្គលិក រាយការណ៍មកសមត្ថកិច្ចមូលដ្ឋាន និងនគរបាលជំនាញមកពិនិត្យ សាកសពសង្ស័យខ្យល់គរ។
ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង៦ល្ងាច ថ្ងៃទី២៧ ខែធ្នូ ឆ្នាំ២០១ ស្ថិតនៅភូមិអូ ឃុំថ្មី ស្រុកកំពង់រោទ៍ ខេត្តស្វាយរៀង។
សមត្ថកិច្ចនគរបាលស្រុកបានឲ្យដឹងថា ជនរងគ្រោះមានឈ្មោះ ត្រឹង ធីធូន ភេទស្រី អាយុ៤០ឆ្នាំ ជនជាតិវៀតណាម មានទីលំនៅសង្កាត់លេខ២ ក្រុងតឹងអាន ខេត្តឡុងអាន ប្រទេសវៀតណាម ខណៈចូលមកកំសាន្តក្នុងកាស៊ីណូឡាក់គីរូបប៊ីព្រៃវល្លិ៍ ស្រុកកំពង់រោទ៍ ។
ប្រភពបន្តថា ក្រោយពីមានសេចក្ដីរាយការណ៍ពីបុគ្គលិកថា មានមនុស្សស្លាប់ក្នុងបន្ទប់ ទើបសមត្ថកិច្ចមូលដ្ឋាន និងនគរបាលបច្ចេកទេសគ្រូពេទ្យមកពិនិត្យសាកសពឃើញថា មិនមានស្លាកស្នាមអ្វីកត់សម្គាល់ជាអំពើឃាតកម្មអ្វីនោះទេ គឺស្លាប់ដោយសារខ្យល់គរ ខណៈជនរងគ្រោះធ្លាប់មានជំងឺសួតរ៉ាំរៃយូរឆ្នាំមកហើយ ។
តាមបុគ្គលិកកាស៊ីណូបានឲ្យដឹងថា ស្ត្រីខាងលើបានចូលមកលេងល្បែង៣ថ្ងៃរួចហើយ ប៉ុន្តែមិនដឹងថា ជនរងគ្រោះចាញ់អស់ប៉ុន្មាននោះទេ ។ ក្រោយពិនិត្យសាកសពត្រូវបានសមត្ថិច្ចនគរបាលខេត្តស្វាយរៀង ប្រគល់ឲ្យទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕ យឹម សុថាន
