សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ កំលាំងការិយាល័យនគរបាលប្រឆាំងគ្រឿងញៀនខេត្ត បានចូលរួមសហការជាមួយកំលាំងនគរបាលព្រហ្មទណ្ឌកំរិតស្រាល និងកំលាំងអន្តរាគមន៍ និងកម្លាំងអធិការនគរបាលស្រុកស្វាយលើ បានចុះបង្ក្រាបករណី រក្សាទុក និងជួញដូរដោយខុសច្បាប់នូវសារធាតុញៀន រហូតឈានដល់ឃាត់ខ្លួន ក្រុមញៀនថ្នាំ ប្រុស ស្រី បានបន្តបន្ទាប់ក្នុងរយៈ៣ថ្ងៃនៅកន្លែងផ្សេងគ្នាចំនួន១០នាក់ ក្នុងខេត្តសៀមរាប រួចនាំយកមកសួរនាំនៅការិយាល័យជំនាញ ដើម្បីចាត់ការបន្ត បញ្ជូនទៅតុលាការខេត្ត។
ក្នុងប្រតិបត្តិការបង្ក្រាបករណីជូញដូរ និងប្រើប្រាស់គ្រឿងញៀន នេះធ្វើឡើងរយៈពេល៣ថ្ងៃ នៅទីតាំងផ្សេងគ្នា គឺថ្ងៃទី១៣-១៤-១៥ ខែមករា ឆ្នាំ២០១៧ស្ថិតនៅ ក្នុងភូមិសាស្ត្រស្រុកស្វាយលើ និងក្នុងក្រុង/ខេត្តសៀមរាប។
តាមប្រភពពីសមត្ថកិច្ចនគរបាលខេត្តបានប្រាប់ថា ជនសង្ស័យ ប្រុស ស្រី ទាំង ១០នាក់មាន៖ទី១/ឈ្មោះ ថាល់ ធឿកភេទប្រុសអាយុ១៧ឆ្នាំមុខរបរគ្មានទីលំនៅភូមិគោកតាចាន់ សង្កាត់គោកចក ក្រុង ខេត្តសៀមរាប (ប្រើប្រាស់) (មានសារធាតុញៀនក្នុងខ្លួន)ទី២/ឈ្មោះ ណាក់ភារៈហៅ វីរៈ ភេទប្រុសអាយុ២៥ឆ្នាំមុខរបរបុគ្គលិកហាងតាព្រហ្ម ទីលំនៅភូមិគោកបេង សង្កាត់គោកចក ក្រុង ខេត្តសៀមរាប (ប្រើប្រាស់)(មានសារធាតុញៀនក្នុងខ្លួន) ទី៣/ឈ្មោះ ជា ចេម ភេទប្រុសអាយុ១៣ឆ្នាំមុខរបរជាងថតរូប រស់នៅភូមិគោកបេង សង្កាត់គោកចក ក្រុង ខេត្តសៀមរាប (ប្រើប្រាស់)(មានសារធាតុញៀនក្នុងខ្លួន) ទី៤/ឈ្មោះ ម៉ៅ នូភេទប្រុសអាយុ២៨ឆ្នាំមុខរបរធ្វើស្រែទីលំនៅភូមិត្រពាំងស្រែ ឃុំត្រពាំងស្រែស្រុកមេសាង ខេត្តព្រៃវែង(ប្រើប្រាស់)(មានសារធាតុញៀនក្នុងខ្លួន) ទី៥/ឈ្មោះ មឹក ហ៊ន់ ភេទប្រុសអាយុ៣៨ឆ្នាំមុខរបរធ្វើស្រែ ទីលំនៅភូមិត្រពាំងស្រែ ឃុំត្រពាំងស្រែស្រុកមេសាង ខេត្តព្រៃវែង (ប្រើប្រាស់) (មានសារធាតុញៀនក្នុងខ្លួន) ទី៦/ឈ្មោះ មាស សេងវិបុល ភេទប្រុសអាយុ២៣ឆ្នាំមុខរបរគ្មាន ទីលំនៅភូមិវិហារចិន សង្កាត់ស្វាយដង្គំ ក្រុង ខេត្តសៀមរាប(ចាត់ចែង)(មានសារធាតុញៀនក្នុងខ្លួន) និង ទី៧/ ឈ្មោះ ទិន ភាពភេទប្រុសអាយុ៤០ឆ្នាំមុខរបរគ្មាន មានទីលំនៅភូមិក្បួនឃុំខ្ចាស់ ស្រុកសូទ្រនិគម ខេត្តសៀមរាប(ចាត់ចែង)(មានសារធាតុញៀនក្នុងខ្លួន) ទី៨/ឈ្មោះ ចៃ ឧស្សាហ៍ ហៅខួច ភេទប្រុសអាយុ២៥ឆ្នាំ មុខរបរមិនពិតប្រាកដ រស់នៅភូមិទឹកលិច ឃុំស្វាយលើ ស្រុកស្វាយលើ ខេត្តសៀមរាប (រក្សាទុកនិងចាត់ចែង) ទី៩/ឈ្មោះ ឈើយ វណ្ណៈ ភេទប្រុសអាយុ២១ឆ្នាំ មុខរបរគ្មាន ស្នាក់នៅភូមិត្រពាំងខ្នារ ឃុំស្វាយលើ ស្រុកស្វាយលើ ខេត្តសៀមរាប (ចាត់ចែង) ទី១០/ឈ្មោះ ស៊ុំ សំណាង ភេទស្រី អាយុ២៤ឆ្នាំ មុខរបរលក់ចាប់ហួយ មានទីលំនៅភូមិជប់លើ ឃុំស្វាយលើ ស្រុកស្វាយលើ ខេត្តសៀមរាប (ប្រើប្រាស់)។ក្រោយពេលឃាត់ខ្លួនបានជនសង្ស័យខាងលើ កម្លាំងសមត្ថកិច្ចបានធ្វើការដកហូតរួមមាន៖ម្សៅមេតំហ្វេតាមីន(ម៉ាទឹកកក)ចំនួន១កញ្ចប់ធំស្មើនឹងទំងន់ ៣,២ក្រាម ,ទូរស័ព្ទដៃចំនួន០៥គ្រឿង។
បច្ចុប្បន្នជនសង្ស័យ ប្រុស ស្រី ទាំង១០ ក្នុងនោះ បញ្ជូន ជនសង្ស័យ ៥ នាក់ទៅមណ្ឌលកែប្រែ ចំណែក ជនសង្ស័យ ប្រុស ស្រី ៥ នាក់ និង វត្ថុតាង ត្រូវបានកម្លាំងជំនាញ រៀបចំសំណុំរឿងបញ្ចូនទៅសាលាដំបូងខេត្ត ដើម្បីចាត់ការទៅតាមផ្លូវច្បាប់។
សូមបញ្ជាក់ផងដែរថា ករណីគ្រឿងញៀន ដែលហូរចូល ទៅដល់ក្នុងភូមិ តាមជនបទ នោះ ត្រូវបានសមត្ថកិច្ចជំនាញចាប់យកមកដាក់គុកបន្តបន្ទាប់ ប៉ុន្តែចំពោះអ្នកដែល ចាប់មកគ្មានភ័ស្តុតាង ក៏យកគ្នាទៅដាក់គុកដែរ ចំណែក អ្នកប្រើប្រាស់ និងអ្នកមានលុយ ប្តូរទៅមណ្ឌលកែប្រែ ទៅវិញ សូមបងប្អូនជួយពិចារណាទាំងអស់គ្នា៕ ប៊ុន រិទ្ធី
