សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ដោយគេអះអាងថា នៅសល់តែ៤ខែទៀតចូលរោងការសុំលុយម្តាយយកទៅលោះទូរស័ព្ទមិនឱ្យ បាត់ខ្លួន៤ថ្ងៃត្រូវបានគេឃើញចងកនៅក្នុងបន្ទប់ជួលមានសភាពហើមស្អុយបាត់ហើយ ។ ហេតុការណ៍ភ្ញាក់ផ្អើលកាលពីវេលាម៉ោង១១និង៣០នាទីព្រឹក ថ្ងៃទី១៨ ខែមករា ឆ្នាំ២០១៧ នៅបន្ទប់ជួល់លេខ៩ ជាន់ទី១ ផ្ទះលេខ១៣៤A ក្រុមទី១ ភូមិឡកំបោ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ។
បុរសដែលធ្វើអត្តឃាត់ដោយចងកនោះមានឈ្មោះ ផា សូលីដា អាយុ២៨ឆ្នាំ មានមុខរបរបុគ្គលិកក្រុមហ៊ុនតេលា ផ្នែកតេលាហ្គាស ស្នាក់បន្ទប់ជួលកើតហេតុខាងលើ មានទីលំនៅភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ។ ចំណែកឯនារីជាគូដណ្តឹងមានឈ្មោះ យន់ ដាលីន ហៅយឿន អាយុ២៧ឆ្នាំ មានមុខរបរនៅផ្ទះ ស្នាក់នៅបន្ទប់ជួល ជាមួយគ្នាមានទីលំនៅភូមិអណ្តូង សង្កាត់គោករការ ខណ្ឌព្រែកព្នៅ អ្នកទាំង២នាក់ជាគូដណ្តឹងនឹងគ្នាដោយភ្ជាប់ពាក្យ និងគ្នាបាន៣ខែមកហើយនិងគ្រោងរៀបការនៅខែមេសាខាងមុខនេះ។
តាមប្រភពព័ត៌មានពីសមត្ថកិច្ចបានឱ្យដឹងថា នៅថ្ងៃទី១៥វេលាម៉ោង១៩ ជនរងគ្រោះបានទៅសុំលុយម្តាយបង្កើតនៅស្រុក ដើម្បីយកទៅលស់ទូរស័ព្ទដែលខ្លួនបញ្ចាំ តែម្តាយបានប្រាប់ថា មិនឱ្យលុយទេ ដោយរូបគាត់ប្រាប់ថា ចាំព្រឹកស្អែករូបគាត់ទៅលស់ហើយក្រុមគ្រួសារបានស្តីបន្ទោសឱ្យបន្តិចបន្តួច។
ប្រភពបន្តថា បន្ទាប់ពីម្តាយប្រាប់បែបនេះរួច រូបគេបានត្រឡប់មកបន្ទប់ផ្ទះជួលវិញ ខណៈមកដល់ រូបគេបានឱ្យគូដណ្តឹងបើកទ្វារចូលទៅក្នុង បានស្ទុះទៅយកច្រវាក់ដែកប្រវែង២ម៉ែត្រដាក់ក្នុងហោប៉ោខោរ ត់ចេលដោយប្រាប់ថាទៅមើលក្មួយលង់ទឹកនៅឯពេទ្យ ប្រាប់ហើយរត់អត់ពាក់ស្បែកជើងទៅទេ ភ្លាមៗនោះស្ត្រីជាគូដណ្តឹងខំរត់តាមដែរ តែរត់អត់ទាន់ ក៏បាត់ឈឹងរហូតដលវេលាម៉ោងខាងលើ ក៏មានអ្នកជួលបន្ទប់ក្បែរ មានធំក្លិនស្អុយផាយចេញពីបន្ទប់នោះ ក៏មានការសង្ស័យបានរត់ទៅប្រាប់អ្នកមើលការខុសត្រូវបន្ទប់ជួល ហើយមានការភ្ញាក់ផ្អើលដល់អ្នកជិតខាងនាំគ្នាទៅបើកទ្វារបន្ទប់ ស្រាប់តែឃើញជនរងគ្រោះយកច្រវាក់ដែកចងភ្ជាប់ចំរឹងដែកជាប់ជញ្ជាំងបន្ទាប់ទឹក ដែលគេមិននៅ ស្លាប់មានសភាពស្អុយបាត់ទៅហើយ។
ប្រភពបានបន្តឱ្យដឹងទៀតថា ក្រោយពីឃើញបែបនេះ អ្នកមើលការខុសត្រូវបន្ទប់ជួល បានប្រាប់សមត្ថកិច្ចមូលរដ្ឋាន ហើយក៏បានរាយការណ៍សមត្ថកិច្ចជំនាញមកពិនិត្យនៅកន្លែងកើតហេតុ បន្ទាប់ពីសមត្ថកិច្ចជំនាញពិនិត្យរួចរាល់ហើយបានបញ្ជាក់ថា ជនរងគ្រោះពិតជាធ្វើអត្តឃាតចងកដោយខ្លួនឯងពិតប្រាកដមែន ហើយបានប្រគល់សពទៅឱ្យក្រុមគ្រួសារដឹកយកទៅធ្វើបុណ្យនៅវត្តព្រែកព្នៅតាមប្រពៃណី៕ អរុណរះ
