សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសធ្ងន់ខណះកំពុងជិះម៉ូតូ១គ្រឿង ត្រូវបុរសម្នាក់ជិះមូម៉ូតូដឹកទឹកកក១គ្រឿង មកបុកចំពីជំហៀងខាងឆ្វេងពេញទំហឹង។
ហេតុការណ៍នេះបានកើតឡើងកាលពីវេលាម៉ោង៣និង៣០នាទី ថ្ងៃទី១៨ ខែមករា ឆ្នាំ២០១៧ នៅចំណុចផ្លូវលេខ១០៩ កែង២១៧ ស្ថិតក្នុងសង្កាត់អូរឬស្សីទី៣ ខណ្ឌ៧មករា រាជធានីភ្នំពេញ ។ ជនរងគ្រោះឈ្មោះ ងែត សុភា ភេទប្រុស អាយុ២១ឆ្នាំ ជាសិស្ស ស្នាក់នៅម្ដុំផ្សារថ្មី ។
ចំណែកជនបង្កមានឈ្មោះ សៀង សៀន ភេទប្រុស អាយុ២៣ឆ្នាំ មុខរបរជាកម្មករដឹកទឹកកក់ម្ដុំអូឫស្សី ស្នាក់នៅម្ដុំផ្សារអូរឫស្សី។
ប្រភពព័ត៌មានពីកន្លែកើតហេតុ បានអោយដឹងថា នៅមុនពេលកើតហេតុគេបានឃើញបុរសម្នាក់ជិះម៉ូតូម៉ាកហុងដា សេ១២៥ មួយគ្រឿង ពណ៌ខ្មៅពាក់ស្លាកលេខ កំពត 1G.7276ធ្វើដំណើរតាមបណ្ដោយផ្លូវលេខ២១៧ ក្នុងទិសដៅពីកើតទៅលិចលុះមកដល់ចំណុចកើតហេតុខាងលើ ក៏ស្រាប់តែមានបុរសម្នាក់ជិះមូ៉តូសេរីចាស់ដឹកទឹកកកក ធ្វើដំណើតាមបណ្ដោយផ្លូវលេខ២១៧ ចូលមកផ្លូវលេខ១០៩ ក្នុងទិសដៅពីលិចទៅតកើតបត់ឆ្វេងហើយបានជ្រុលបុកម៉ូតូខាងលើពេញទំហឹងបណ្ដាយឲ្យបុរសម្នាក់រងរបួសធ្ងន់ត្រូវបានរថយន្តដឹកយកទៅសង្រោះបន្ទាន់។
ក្រោយកើតហេតុម៉ូតូដឹកទឹកកកបង្កនឹងម៉ូតូរងគ្រោះត្រូវបានសមត្ថកិច្ចយកទៅរក្សាទុកនៅអធិការដ្នាននគរបាលខណ្ឌ៧មករា ដោះស្រាយតាមផ្លូវច្បាប់ ៕ ស រស្មី
