សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មំុ៖ បុរសម្នាក់បានស្លាប់បាត់បង់ជីវិតយ៉ាងអាណោចអាធ័មក្រៃលែងដោយគ្មាននរណាដឹងជួយបានឡើយ ក្រោយពីបុរសរងគ្រោះរូបនេះចេញទៅឆក់សត្វកណ្តុរនៅឯវាលស្រែរបស់ខ្លួន យកមកធ្វើម្ហូបហើយបែភ្លាត់ស្នៀតឆក់ខ្លួនឯងស្លាប់ទៅវិញ។
ហេតុការណ៍នេះ ប្រហែលកើតឡើងនៅវេលាម៉ោង៤រសៀល ថ្ងៃទី១៨ ខែមករា ឆ្នាំ២០១៧ នៅក្នុងស្រែរបស់ខ្លួនត្រង់ចំណុចបឹងចាអោក ស្ថិតក្នុងភូមិជើងច្រង់ ឃំុទូលស្នួល ស្រុកក្រូចឆ្មា ខេត្តត្បូងឃ្មំុ។
ប្រភពពីសមត្ថកិច្ចមូលដ្ឋានបានឲ្យដឹងថា ជនរងគ្រោះមាន ឈ្មោះ ហេង អាន អាយុ៣១ឆ្នាំ រស់ក្នុងភូមិ_ឃំុកើតហេតុខាងលើ ហើយមុនកើតហេតុបុរសរងគ្រោះបានចេញទៅឆក់សត្វកណ្តុរនៅចំណុចខាងលើយកមកធ្វើរម្ហូមដូចសព្វមួយដង ហើយនៅប្រហែលម៉ោង ពេលដូចខាងលើក៏ភ្លាត់ស្នៀតឆក់ខ្លួនឯងស្លាប់ទៅ និងគ្មាននណាដឹងនោះទេ។
ប្រភពសមត្ថកិច្ចបានឲ្យដឹងបន្តថា លះុដល់វេលាម៉ោង៨និង៤៥នាទីព្រឹក ថ្ងៃទី២៩ ខែមករា ក៏មានឈ្មោះ រ៉ាត់ សុខនៅ ភេទប្រុស អាយុ៣១ឆ្នាំរស់នៅភូមិ_ឃំុជាមួយគ្នាដើរទៅឃើញជនរងគ្រោះដេកស្លាប់ផ្កាប់មុខដោយដៃខាងឆ្វេងជាប់ខ្សែរលួសឆក់កណ្តុរហើយ ក៏ទូរសព្ទ័មកប្រាប់ក្រុមគ្រួសារជនរងគ្រោះនិងបន្តប្តឹងទៅសម្មត្ថកិច្ចមូលដ្ឋានបន្ត។
ប្រភពបន្តថា ករណីនេះក្រោយពីទទួលព័ត៌មានបានសមត្ថកិច្ចមូលដ្ឋាន សហការជាមួយជំនាញបានចះុមកត្រួតពិនិត្យសាកសពហើយឃើញថាពិតជាស្លសប់ដោយសារចរន្តខ្សែរលួសកែឆ្នៃឆក់កណ្តុរស្លាប់មែន។
ចំណែកសពជនរងគ្រោះត្រូវបានប្រគល់ជូនទៅក្រុមគ្រួសារយកទៅធ្វើបុណ្បតាមប្រពៃណី៕វណ្ណះ
