សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន ៤នាក់រួមនិងថ្នាំញៀន២កញ្ចប់តូចត្រូវកំលាំងនគរបាលប៉ុស្តិ៍ទឹកថ្លា ឃាត់ខ្លួន ខណៈសមត្ថកិច្ចកំពុងល្បាតក្នុងមូលដ្ឋាន។
ការឃាត់ខ្លួនជនសង្ស័យទាំង៤នាក់ខាងលើនេះ ធ្វើឡើង០០និង៣០នាទីឈានចូលថ្ងៃទី១៩ ខែមករា ឆ្នាំ២០១៧ ចំណុចផ្លូវ២៧១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ជនសង្ស័យទាំង០៤នាក់នោះទី ១/ឈ្មោះ ជ្រឿន ដា ភេទប្រុស អាយុ៣១ឆ្នាំ ២/ ឈ្មោះស្រេង ស្រាន ភេទប្រុស អាយុ២៩ឆ្នាំ
៣/ឈ្មោះ ឆាយ សុធា ភេទប្រុស អាយុ ២១ឆ្នាំ ៤/ឈ្មោះ សាន លីដា ភេទប្រុស អាយុ ២៥ឆ្នាំ។
សម្ភារៈ វត្ថុតាងចាប់យក ក្រាមពណ៌សថ្លា សង្ស័យជាគ្រឿងញៀនចំនួន២ថង់តូច ។
មុនពេលកើតហេតុ កម្លាំងរបស់ប៉ុស្ដិ៍នគរបាលរដ្ឋបាលទឹកថ្លាបានអោយដឹងថា មុននឹងឃាត់ខ្លួនជនសង្ស័យខាងលើគឺកំលាំងប៉ុស្តិ៍បានល្បាតក្នុងភូមិសាស្ត្រ លុះដល់ចំណុចផ្លូវ២៧១ ភូមិត្រពាំឈូកសង្កាត់ទឹកថ្លា ក៏ឃើញជនសង្ស័យ២នាក់ជិះម៉ូតូ១គ្រឿង មានការសង្ស័យ ក៏ហៅឲ្យឈប់ធ្វើការ ត្រួតពិនិត្យឃើញក្រាម ពណ៌សថ្លាសង្ស័យជាគ្រឿងញៀនចំនួន១ថង់តូចនៅក្នុងដៃខាងឆ្វេងរបស់ជនសង្ស័យឈ្មោះ ជ្រឿន ដា ទើប សមត្ថកិច្ច ក៏ធ្វើការដកហូតដាក់ក្នុងស្រោមសំបុត្រ បន្ទាប់មកបាន ឃើញជនសង្ស័យ ០២នាក់ទៀត ជិះម៉ូតូមកដល់ មានការសង្ស័យ ក៏ហៅឲ្យឈប់ធ្វើការត្រួតពិនិត្យបានរកឃើញថ្នាំក្រាម ពណ៌សថ្លាសង្ស័យជាគ្រឿងញៀនចំនួន០១កញ្ចប់ ថង់តូចនៅក្នុងដៃខាងឆ្វេងរបស់ជនសង្ស័យឈ្មោះ ឆាយ សុធា សមត្ថកិច្ចយើងក៏ធ្វើការដកហូតដាក់ក្នុងស្រោមសំបុត្រ រួចនាំខ្លួនជនសង្ស័យទាំង០៤នាក់យកមកធ្វើការសាកសួរនៅប៉ុស្តិ៍ទឹកថ្លាតែម្ដង ។
បច្ចុប្បន្នជនសង្ស័យទាំងបួននាក់ ត្រូវបានឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីកសាង សំណុំរឿង បញ្ជូនទៅតុលាការ៕ តុង សីហា
